Finansujemy ES prajekt «Ukaranieńnie pasłuh pa kiravańni adchodami dla sielskaha nasielnictva Puchavickaha rajona Minskaj vobłaści» inicyjavaŭ ekałahičnuju akcyju, jakaja prachodzić z 1 sakavika pa 1 krasavika, paviedamlaje partał «Susiedzi ES».
U hety pieryjad kožny, chto pažadaje, ŭ rajonie moža abmianiać staryja, niepatrebnyja bytavyja prybory na knihi z malunkami dla dziaciej na biełaruskaj movie, pryśviečanyja važnaści pravilnaha zboru adchodaŭ i achovie navakolnaha asiarodździa.
Važna nie vykidać niepatrebnyja chaładzilniki, televizary i inšaje abstalavańnie sa zvyčajnym śmiećciem, bo jany mohuć nanieści škodu navakolnamu asiarodździu. Elektronnyja adchody treba źbirać asobna, kab zdabyvać ź ich kaštoŭnyja mietały i pierapracoŭvać ich ŭ syravinu dla inšych vytvorčaściaŭ.
Prajekt «Ukaranieńnie pasłuh pa kiravańni adchodami dla sielskaha nasielnictva Puchavickaha rajona Minskaj vobłaści» nakiravany ŭ pieršuju čarhu na stvareńnie sistemy zboru staroha elektryčnaha i elektronnaha abstalavańnia, likvidacyju niesankcyjanavanych zvałak. Prajekt zaklikany dapamahčy miascovym žycharam ukaranić samyja sučasnyja mietady zboru śmiećcia i adchodaŭ.
-
Dalnabojščyki zarablajuć šmat, ale kali iduć na piensiju abo pa kredyt, to vyjaŭlajecca, što nie ŭsio tak radasna
-
Novaje pakaleńnie hiendyrektaraŭ: moładź i daloka nie «krepkija chaziajśćvieńniki» masava ŭznačalvajuć tryljonnyja biznesy
-
Nie tolki Hrodna. Stała viadoma, u jakich jašče haradach Biełarusi źjavicca taksi Bro Car
Kamientary