Ministr justycyi Hiermanii Chajka Maas padrychtavaŭ zakonaprajekt ab uviadzieńni miljonnych štrafaŭ za raspalvańnie nianaviści i raspaŭsiud iłžyvych navin u sacyjalnych sietkach, piša VVS.
Zhodna z dakumientam, administracyja sacsietak budzie abaviazanaja apieratyŭna reahavać na pastupajučyja skarhi i na praciahu siami dzion vydalać uvieś nielehalny kantent. Kali ž post utrymlivaje vidavočnaje parušeńnie zakona, to jon pavinien być vydaleny na praciahu 24 hadzin.
Nievykanańnie hetych patrabavańniaŭ budzie karacca štrafam u 5 młn jeŭra dla supracoŭnikaŭ, adkaznych za apracoŭku skarhi, i 50 młn jeŭra dla kampanii, havorycca ŭ tekście zakonaprajekta.
Dva hady tamu Maas abviaściŭ ab stvareńni śpiecyjalnaj rabočaj hrupy dla baraćby z «raspaŭsiudžvańniem nianaviści ŭ internecie», jakaja pavinna była supracoŭničać z administracyjaj Fejsbuka i Tvitara, kab rehulavać sietkavy kantent.
Pa słovach ministra, z tych časoŭ kiraŭnictva sacsietak stała bolš uvažlivym da hetaj prablemy, adnak mier, što prymajucca, niedastatkova.
Zhodna z vynikami daśledavańnia, jakija cytuje miniust Hiermanii, siońnia maderatary Fejsbuka vydalajuć 39% kantentu, na jaki skardziacca karystalniki, a Tvitar — tolki 1% padobnych pastoŭ.
«Heta niedapuščalna, kab kampanii atrymlivali vielizarny prybytak ad sacsietak i ŭ toj ža čas uchilalisia ad abaviazkaŭ pa baraćbie z raspaŭsiudžvańniem nianaviści», — zajaviła ministr pa spravach siamji Hiermanii Manueła Šviezih.
Drukujecca ŭ miežach śpiecyjalnaj rubryki «Naviny Hiermanii»
-
«Jon u žachlivym stanie». Adam Kadyraŭ trapiŭ u avaryju niedaloka ad Doma ŭračystaściej u Pucinskim rajonie
-
Daradca Trampa: Terytoryju Hrenłandyi moža kantralavać tolki toj, chto zdolny jaje abaranić, a Danija zanadta słabaja dla hetaha
-
Syn iranskaha šacha Reza Piechlevi zaklikaje da dalejšych pratestaŭ
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary