Nastaśsia Jančyk — tyktokierka, jakaja zdymała ahlady na kaśmietyku i litaraturu, a taksama raskazvała pra svajo zmahańnie z depresijaj. Niadaŭna stała viadoma, što dziaŭčynu asudzili pavodle kryminalnaha artykuła.
Nastaśsi Jančyk 28 hadoŭ. Dziaŭčyna naradziłasia ŭ Homieli, ale na vučobu pierajechała ŭ Minsk, skončyła Biełaruski dziaržaŭny technałahičny ŭniviersitet. Uviesnu 2023 hoda Jančyk zarehistravałasia jak indyvidualnaja pradprymalnica.
Nastaśsia viadzie błoh ab pryhažości i łajfstajle. U jaje tyktoku bolš za 21 tysiaču padpisčykaŭ i bolš za miljon łajkaŭ. Dziaŭčyna rabiła ahlady na knihi, kaśmietyku i ščyra dzialiłasia svaimi pieražyvańniami pra toje, jak pieraadolvaje tryvohu i depresiju. U 2023 hodzie jana taksama naviedvała Kitaj i pisała pra heta.
Nastaśsia źnikła z sacsietak na pačatku krasavika 2025 hoda. Jaje zatrymali i źmiaścili ŭ SIZA na 8 miesiacaŭ.
Jančyk asudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Zvyčajna pa hetym artykule sudziać za paviedamleńni ŭ bot prajekta «Biełaruski Hajun».
Dziaŭčynie prysudzili «chatniuju chimiju», prysud niadaŭna ŭstupiŭ u siłu.
«Naša Niva» — bastyjon biełaruščyny
PADTRYMAĆCiapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary