Ministry finansaŭ krain «Vialikaj dvaccatki» na štohadovaj sustrečy nie zmahli damovicca ab abaronie svabodnaha handlu i baraćbie z pratekcyjanizmam paśla taho, jak ZŠA admovilisia padpisvać dakumient.
U kamiunikie, apublikavanym pa vynikach sustrečy ŭ niamieckim horadzie Baden-Baden, nie było słovaŭ pra toje, što krainy biaruć na siabie abaviazalnictvy ŭ baraćbie z pratekcyjanizmam.
Jašče ŭ minułym hodzie pradstaŭniki G20 abiacali «pratest suprać usialakich formaŭ pratekcyjanizmu».
Prablema pratekcyjanizmu abvastryłasia z prychodam da ŭłady ŭ ZŠA novaj administracyi na čale z prezidentam Donaldam Trampam, jaki zajaviŭ pra nieabchodnaść pamienšyć handlovy deficyt krainy.
Jaho ZŠA ŭžo vyjšli z Tranścichaakijanskaha partniorstva.
Na sustrečy ŭ Baden-Badenie ministry taksama admovilisia ad abiacańnia zmahacca z hłabalnym paciapleńniem. Raniej Donald Tramp nazyvaŭ źmieny klimatu vydumkaj.
Ministr finansaŭ Francyi Mišel Sapien zajaviŭ, što jamu škada, što krainy nie zmahli damovicca ab dvuch pryjarytetnych dla sučasnaha śvietu rečaŭ.
Jaho kaleha z Hiermanii Volfhanh Šojble zajaviŭ, što niemahčyma prymusić partnioraŭ uklučyć u dakumient zajavy, jakija im nie padabajucca.
Dyrektar Mižnarodnaha valutnaha fondu Kryścin Łahard paśla samitu ministraŭ finansaŭ G20 zajaviła, što suśvietny ekanamičny rost paskarajecca, ale pamyłkovaja palityka moža spynić hety praces.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki33
Kamientary