Pieramovy ź Biełaruśsiu ab novaj prahramie praciahnucca ŭ krasaviku ŭ Vašynhtonie. Pra heta na pres-bryfinhu 23 sakavika ŭ stalicy ZŠA zajaviŭ aficyjny pradstaŭnik Mižnarodnaha valutnaha fondu (MVF) Džery Rajs.
«Dyskusija [ab vydzialeńni Biełarusi kredytu] budzie praciahnutaja ŭ ramkach viasnovaj sustrečy fondu», — skazaŭ Rajs. Mierapryjemstvy viasnovaj siesii radaŭ kiraŭnikoŭ MVF i hrupy Suśvietnaha banka projduć u Vašynhtonie 21—23 krasavika.
16 sakavika pa zaprašeńni kiraŭnika Biełarusi Minsk naviedali kiraŭnik misii MVF pa Biełarusi Piter Dołman, namieśnik kiraŭnika Jeŭrapiejskaha kiravańnia MVF Tanasie Arvanicis i staršy rehijanalny pradstaŭnik MVF pa rehijonie SND Bas Bakier. Alaksandr Łukašenka skazaŭ, što zaprasiŭ pradstaŭnikoŭ MVF, kab abmierkavać «litaralna 1-2 pytańnia», jakija «dla mianie i krainy vielmi važnyja». Pa słovach pradstaŭnika MVF, adnym z abmierkavanych momantaŭ była ekanamičnaja i sacyjalnaja situacyja, taksama abmiarkoŭvałasia sistema sacyjalnaj abarony dla tych, chto bolš za ŭsio ŭ joj maje patrebu.
U ciapierašni čas praktyčna hatovaja da padpisańnia prahrama Biełarusi z MVF, jakuju padtrymlivaje kredytam na sumu nie mienš za 3 młrd dalaraŭ na dziesiać hadoŭ pad 2,28% hadavych.
Kredytory patrabujuć libieralizacyi biełaruskaj ekanomiki, likvidacyi pierakryžavanaha subsidziravańnia. Jak u lutym adznačaŭ pieršy vice-premjer Vasil Maciušeŭski, prahrama hatovaja, zastałosia pryniać palityčnaje rašeńnie.
Tym časam u sacsietkach hrupa aktyvistaŭ padpisała pietycyju kiraŭnictvu MVF z patrabavańniem «nie davać kredytu režymu Łukašenki», spasyłajučysia na masavyja zatrymańni pradstaŭnikoŭ apazicyi.
Zahinuŭ biełaruski dobraachvotnik Vasil «Dzir» Rapicki11
Kamientary