Apieratar respublikanskaj sistemy manitorynhu hramadskaj biaśpieki, jaki akumuluje videapłyni kamier nazirańnia ŭsich viedamstvaŭ, budzie albo dziaržaŭnaj kampanijaj, albo «nadziejnym pryvatnikam, hatovym stać inviestaram». Havorka idzie pra sumu da 100 młn dalaraŭ, paviedamiŭ telekanał ANT.
Pa dadzienych televizijnikaŭ, apieratar z dapamohaj videaanalityki budzie sačyć za ŭsimi kamierami videanazirańnia niezaležna ad viedamasnaj prynaležnaści. «Kali zdarycca nadzvyčajnaje zdareńnie, to jon nie tolki jaho fiksuje, ale i vyznačaje, kamu pieradavać infarmacyju: ci HUUS DAI, leśnikam abo ratavalnikam. Pa vialikim rachunku, heta budzie mižviedamasnaja apieratyŭnaja dziažurnaja častka. U vyniku adpadzie patreba ŭ apieratarach, jakija pracujuć stroha na svajo ministerstva. Heta taja aptymizacyja, pra jakuju kazaŭ prezident», — skazana ŭ repartažy ŭ prahramie «Kontury».
U pačatku tydnia pytańni stvareńnia respublikanskaj sistemy manitorynhu hramadskaj biaśpieki abmiarkoŭvalisia na naradzie ŭ Alaksandra Łukašenki z udziełam kiraŭnikoŭ MUS, KDB, AAC, dziaržsakratara Rady biaśpieki i načalnika Słužby biaśpieki prezidenta. Na mierapryjemstvie taksama prysutničali Viktar Łukašenka i ministry suviazi i finansaŭ.
Łukašenka pahadziŭsia z tym, što takaja sistema darečnaja. Pry hetym jon daručyŭ dadatkova prapracavać šerah aśpiektaŭ, źviazanych z praktyčnaj realizacyjaj prajekta. U pieršuju čarhu heta pytańni, źviazanyja z vybaram apieratara, jaki budzie hienieravać usie idei i ažyćciaŭlać praktyčnuju realizacyju, pačynajučy ad kupli «žaleza» i skančvajučy ekspłuatacyjaj, skazaŭ ministr unutranych spraŭ Ihar Šunievič.
Pavodle jaho słoŭ, isnuje šerah abjektaŭ, jakija ŭ abaviazkovym paradku ŭ suviazi ź dziejnaj narmatyŭnaj bazaj pavinny być abstalavany sistemaj videanazirańnia. «U płanach kala dvuch-čatyroch tysiač abjektaŭ, jakija ŭ najbližejšy čas (dumaju, na praciahu hoda, a moža, i dvuch) pavinny być daabstalavany videanazirańniem», — adznačyŭ Šunievič.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary