Alaksandar Łukašenka padpisaŭ zakon «Ab ŚMI». Paśla jaho aficyjnaha apublikavańnia pačniecca adlik paŭhadavoha terminu, pa skančeńni jakoha zakon nabudzie moc.
Alaksandar Łukašenka padpisaŭ zakon «Ab ŚMI». Paśla jaho aficyjnaha apublikavańnia pačniecca adlik paŭhadavoha terminu, pa skančeńni jakoha zakon nabudzie moc.
Pra padpisańnie zakonu «Ab ŚMI» kiraŭnikom dziaržavy paviedamili ŭviečary 4 žniŭnia infarmacyjnyja ahienctvy sa spasyłkaj na pres-słužbu kiraŭnika dziaržavy. Nichto ź ich nie nazyvaje daty padpisańnia dakumenta.
Zakonaprajekt byŭ uchvaleny Savietam Respubliki 28 červienia — paśla taho, jak jaho pryniała ŭ dvuch čytańniach Pałata pradstaŭnikoŭ (17 i 24 červienia). U siaredzinie lipienia dakument pastupiŭ na razhlad Kanstytucyjnaha Suda (KS) RB, paśla čaho byŭ pieradadzieny Łukašenku.
HA «BAŽ» nieadnarazova źviartałasia da deputataŭ z prośbaj nakiravać dakument na mižnarodnuju ekspertyzu, a taksama prapanoŭvała ŭłasnuju ekspertnuju acenku, padrychtavanuju jurystami. Jany, u pryvatnaści, adznačali šerah rehresiŭnych norm dakumentu: rehulavańnie dziejnaści internet-sfery pastanovami ŭradu, abmiežavańnie zamiežnych investycyj u ŚMI, nieabchodnaść pierarehistracyi ŭsich ŚMI paśla ŭstupleńnia zakonu ŭ siłu, pašyreńnie koła asob, jakija mohuć vynosić papiaredžańni, spraščeńnie pracedury zakryćcia vydańniaŭ i h.d. Niekalki zaŭvah deputaty ŭličyli ŭ druhim čytańni, adnak najbolš represiŭnyja normy – u tym liku i datyčnyja rehulavańnia Internetu – zastalisia.
Na praciahu červienia i lipienia šerah mižnarodnych arhanizacyj źviartalisia da biełaruskich uładaŭ z zaklikam ustrymacca ad pryniaćcia hetaha dakumentaŭ ciapierašnim vyhladzie i prapanoŭvali ekspertnuju dapamohu ŭ jaho dapracoŭcy.
Siarod ich — pradstaŭnik pa svabodzie ŚMI ABSE Mikłaš Charašci, dakładčyk pa Biełarusi Parlamenckaj asamblei Rady Eŭropy Andrea Ryhoni, Mižnarodnaja federacyja žurnalistaŭ, Mižnarodnaja kampanija z svabodu słova «Article19», «Reparciory bieź miežaŭ», Fundacyja «Dom pravoŭ čałavieka» (Narvehija), Narveski Chelsynski kamitet, Narveski sajuz žurnalistaŭ, Narvesski PEN-centar, Dacki Sajuz žurnalistaŭ i inšyja arhanizacyi.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary