Аляксандар Лукашэнка падпісаў закон «Аб СМІ». Пасьля яго афіцыйнага апублікаваньня пачнецца адлік паўгадавога тэрміну, па сканчэньні якога закон набудзе моц.
Аляксандар Лукашэнка падпісаў закон «Аб СМІ». Пасьля яго афіцыйнага апублікаваньня пачнецца адлік паўгадавога тэрміну, па сканчэньні якога закон набудзе моц.
Пра падпісаньне закону «Аб СМІ» кіраўніком дзяржавы паведамілі ўвечары 4 жніўня інфармацыйныя агенцтвы са спасылкай на прэс-службу кіраўніка дзяржавы. Ніхто зь іх не называе даты падпісаньня дакумэнта.
Законапраект быў ухвалены Саветам Рэспублікі 28 чэрвеня — пасьля таго, як яго прыняла ў двух чытаньнях Палата прадстаўнікоў (17 і 24 чэрвеня). У сярэдзіне ліпеня дакумэнт паступіў на разгляд Канстытуцыйнага Суда (КС) РБ, пасьля чаго быў перададзены Лукашэнку.
ГА «БАЖ» неаднаразова зьвярталася да дэпутатаў з просьбай накіраваць дакумэнт на міжнародную экспэртызу, а таксама прапаноўвала ўласную экспэртную ацэнку, падрыхтаваную юрыстамі. Яны, у прыватнасьці, адзначалі шэраг рэгрэсіўных норм дакумэнту: рэгуляваньне дзейнасьці інтэрнэт-сфэры пастановамі ўраду, абмежаваньне замежных інвэстыцый у СМІ, неабходнасьць перарэгістрацыі ўсіх СМІ пасьля ўступленьня закону ў сілу, пашырэньне кола асоб, якія могуць выносіць папярэджаньні, спрашчэньне працэдуры закрыцьця выданьняў і г.д. Некалькі заўваг дэпутаты ўлічылі ў другім чытаньні, аднак найбольш рэпрэсіўныя нормы – у тым ліку і датычныя рэгуляваньня Інтэрнэту – засталіся.
На працягу чэрвеня і ліпеня шэраг міжнародных арганізацый зьвярталіся да беларускіх уладаў з заклікам устрымацца ад прыняцьця гэтага дакумэнтаў цяперашнім выглядзе і прапаноўвалі экспэртную дапамогу ў яго дапрацоўцы.
Сярод іх — прадстаўнік па свабодзе СМІ АБСЭ Міклаш Харашці, дакладчык па Беларусі Парлямэнцкай асамблеі Рады Эўропы Андрэа Рыгоні, Міжнародная фэдэрацыя журналістаў, Міжнародная кампанія з свабоду слова «Article19», «Рэпарцёры без межаў», Фундацыя «Дом правоў чалавека» (Нарвэгія), Нарвэскі Хэльсынскі камітэт, Нарвэскі саюз журналістаў, Нарвэсскі ПЭН-цэнтар, Дацкі Саюз журналістаў і іншыя арганізацыі.
Побач з Лукашэнкам на хакеі з'явілася новая прыгажуня10
Каментары