Palicyja ŭ paŭnočnaj Indyi sprabuje vyśvietlić asobu dziaŭčynki, jakaja žyła razam sa zhrajaj małp u lasach štata Utar-Pradeš.
Dziaŭčynka, jakuju znajšli niekalki tydniaŭ tamu ŭ lesie, nie ŭmieje havaryć. Pa dadzienych palicyi, joj ad vaśmi da dziesiaci hadoŭ.
Sa słoŭ lekaraŭ, jana maje znosiny z dapamohaj znakaŭ i žestaŭ, charakternych dla małpaŭ. Kali vartavyja paradku znajšli dziaŭčynku, jana była siarod małpaŭ i hulała ź imi, imitujučy pavodziny žyvioł.
Upieršyniu dzicia ŭ zhrai małpaŭ zaŭvažyli žychary vioski blizu pryrodnaha zapaviednika Katarniahchat la miažy ź Niepałam i paviedamili pra heta palicyi.
Jak raspavioŭ Bi-bi-si pradstaŭnik palicyi Sureš Jadava, žyvioły atakavali palicyjantaŭ, kali tyja pasprabavali zabrać dzicia.
Sa słoŭ lekaraŭ, dziaŭčynka była źniasilenaja, a na ciele ŭ jaje byli traŭmy. Pieršy čas jana nie mahła siadzieć na miescy i ŭvieś čas chadziła na karačkach pa pałacie i viščała.
Ciapier jana adčuvaje siabie značna lepš, kažuć lekary. Paźniej dziaŭčynku pieradaduć sacyjalnym słužbam, jakija pavinny buduć pakłapacicca ab jaje navučańni i sacyjalizacyi.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary