Kanadca Ryčarda Beła, jaki lacieŭ biznes-kłasam avijakampanii United Airlines z amierykanskaha Chjustana ŭ kanadski Kałhary, ŭ palocie padčas łanču udžaliŭ skarpijon, piša VVS.
Jak raspavioŭ paciarpieły, atrutnaje pavukapadobnaje ŭpała jamu na hałavu z adsieka dla ručnoj pakłažy, paśla čaho jon pakłaŭ skarpijona pierad saboj na adkidny stolik, i toj udžaliŭ jaho.
Avijakampanija prapanavała kampiensacyju Bełu, jaki lacieŭ u Kałhary sa svajoj žonkaj Lindaj.
Incydent adbyŭsia ŭ niadzielu, ale viadoma pra heta stała tolki ciapier.
«Pakul ja jeŭ, niešta ŭpała mnie na vałasy. Hetaje niešta akazałasia skarpijonam. Ja trymaŭ jaho za chvost, i jon nie moh mianie ŭkusić. Ale ja vypuściŭ jaho na talerku, i kali sabraŭsia schapić jaho znoŭ, jon stuknuŭ mianie chvastom. Na ščaście, udar u asnoŭnym pryjšoŭsia na paznohać», — skazaŭ Beł.
Paśla hetaha pasažyr zmachnuŭ ahresiŭnaje členistanohaje na padłohu, ściuard nakryŭ jaho kubkam, a zatym zmyŭ va ŭnitaz. Miedsiastra, jakaja lacieła tym ža rejsam, dała Bełu abiazbolvalnaje.
Pa pryziamleńni ŭ Kałhary mužčynu advieźli ŭ balnicu, dzie lekary skazali, što jaho žyćciu ništo nie pahražaje. Praź niekalki hadzin jaho vypisali.
Pa słovach Beła, u jaho niama namieraŭ padavać na United Airlines ŭ sud.
Incydent sa skarpijonam adbyŭsia ŭ razhar skandału z hvałtoŭnym vyhnańniem pasažyra z borta samalota United Airlines.
U Rečycy ludzi vyjšli prybirać śnieh. Ich aštrafavali5
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary