U Nasty i Sašy z Homiela paśla šaści synoŭ naradziłasia doŭhačakanaja dačka
Nastaśsia i Alaksandr Traskievičy razam užo 16 hadoŭ. U listapadzie hetaha hoda ŭ šmatdzietnych baćkoŭ ździejśniłasia mara pra dačku, a ŭ ich šaści synoŭ — pra siastru.
«Nie pavieryŭ svaim vušam, kali žonka paśla UHD paviedamiła poł budučaha dziciaci. Naścia i sama dumała, što doktarka pamyliłasia, tamu prasiła pierapravieryć vynik, bo da hetaha stabilna naradžalisia tolki chłopčyki», — zhadvaje Alaksandr.
Nastaśsia i Alaksandr paznajomilisia jašče ŭ školnyja hady. Paśla vypusku ich adnosiny pryniali surjozny abarot, piša vydańnie «Biełka».
«My vielmi dobra ładzili, jak kažuć, sustreli rodnyja dušy. Nam abaim chaciełasia dziaciej, tak što pieršynca ja naradziła rana. My razumieli, što starejšy syn Daniła budzie nie adzinym dziciem. Za dva hady naradziŭsia Andrej, jašče za čatyry — Saša, dalej Kościk, jamu ciapier siem hadoŭ, na dva hady za jaho maładziejšy Ilja. I samyja małyja ŭ nas — paŭtarahadovy Ihnat i dvuchmiesiačnaja Naścia», — raskazvaje Nastaśsia.
Pra źjaŭleńnie dziaŭčynki maryła ŭsia siamja. Trynaccacihadovy Saša navat žartam skardziŭsia ŭ škole, maŭlaŭ, va ŭsich jość siastryčki, a ŭ ich z bratami niama.
Baćki pryznajucca, što paśla treciaha dziciaci kolkaść dziaciej u siamji ŭžo nie asabliva ŭpłyvaje na nahruzku darosłych. Pracesy vychavańnia i padzieł abaviazkaŭ vyprabavanyja nie raz, tamu źjaŭleńnie siomaha małoha ich byt kardynalna nie pamianiała.
Nastaśsia ŭdziačnaja mužu, što jon časta biare na siabie prybirańnie, hatavańnie, špacyry.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary