Tramp: Novaj kiraŭnicy Vieniesueły budzie horš, čym Madura, kali jana admovicca supracoŭničać
Prezident ZŠA Donald Tramp zajaviŭ, što vice-prezidentku Vieniesueły Diełsi Radryhies, jakaja časova ŭziała na siabie kiravańnie krainaj, čakaje jašče horšy los, čym Nikałasa Madura, kali jana admovicca supracoŭničać z Vašynhtonam. Pra heta jon skazaŭ u razmovie z vydańniem Atlantic.
Tramp adznačyŭ, što ŭ vypadku niepadparadkavańnia Radryhies daviadziecca zapłacić vielmi vysokuju canu. Napiaredadni jon śćviardžaŭ, što jana nibyta ŭ pryvatnaj razmovie vykazała hatoŭnaść da supracoŭnictva sa Złučanymi Štatami, jakija, pavodle jaho słoŭ, časova buduć «kiravać» Vieniesuełaj dziela jaje adradžeńnia.
Adnak užo praz karotki čas Radryhies publična admoviłasia ad takoj prapanovy. Jana zajaviła, što Vieniesueła budzie abaraniać svaje pryrodnyja resursy i praciahnie palityku Madura, padkreśliŭšy, što kraina bolš nikoli nie stanie kałonijaj.
Tramp u adkaz paviedamiŭ, što nie vyklučaje praciahu vajennych dziejańniaŭ u Vieniesuele i ličyć źmienu režymu i «adbudovu» najlepšym šlacham dla krainy, jakuju jon nazvaŭ całkam pravalenaj i katastrafičnaj.
U hetym samym intervju Donald Tramp čarhovy raz paŭtaryŭ, što Vašynhtonu patrebna Hrenłandyja. Pa jaho słovach, arktyčny vostraŭ «akružany rasijskimi i kitajskimi karablami» i patrebien ZŠA dla abarony. Praŭda, pra namier amierykancaŭ pravieści vajskovuju apieracyju i tam jon adkryta nie skazaŭ.
3 studzienia ŭ Karakasie prahučali vybuchi, nad horadam źjaviłasia avijacyja, a ŭ častcy stalicy źnikła elektryčnaść. Vieniesueła abviaściła pra ahresiju z boku ZŠA i ŭviała nadzvyčajnaje stanovišča. Paźniej Tramp zajaviŭ, što amierykanskija vajskoŭcy zatrymali Nikałasa Madura i jaho žonku i vyvieźli ich z krainy. U ZŠA Madura abvinavacili ŭ niezakonnym abaračeńni narkotykaŭ i zbroi.
Paśla taho Viarchoŭny sud Vieniesueły pryznačyŭ Dełsi Radryhies vykonvać abaviazki kiraŭnika dziaržavy.
Što budzie ŭ Vieniesuele dalej? Try scenaryi
Tramp choča zdabyvać naftu ŭ Vieniesuele. Nakolki heta realna i kamu jana dastaniecca?
Jak sačyli za Madura?
«Jak tolki dyktatury sutykajucca z realnaj siłaj, jany chutka cierpiać parazu»
«Dziejańni Trampa — učynki nie demakrata, zakutaha ŭ braniu, a dziejańni vielmi krutoha pacana ŭ adnosinach z prosta krutymi»
ZŠA hatovyja pakinuć uładu paplečnikam Madura, bo «bolšaść apazicyi nie znachodzicca ŭ Vieniesuele»
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
P.S. I paprasi kab "M" pisali ŭ mietadyčcy ŭ "imieryja". Adzin raz možna pamylicca, a voś niekalki heta ŭžo praca łukabota "kapiravać-ustavić".