Hałoŭny trenier žanočaj zbornaj Biełarusi Eduard Dubroŭ padzialiŭsia mierkavańniem pra prychod ministra sportu i turyzmu Alaksandra Šamko i kiraŭnika Biełaruskaj tenisnaj fiederacyi Alaksandra Šakucina na treniroŭku kamandy, paviedamlaje Tut.by.
«Ja nie viedaju, čaho jany damahalisia i jaki efiekt mieła ich sustreča z tenisistkami. Mabyć, chacieli być bližej da spartsmienaŭ. Bačyć situacyju, kiravać joj i ŭździejničać.
Praŭda, z-za taho, što pryjšła vielmi vialikaja delehacyja, trenirovačnaha pracesu, liču, nie było — tolki chadžeńnie pa korcie ŭ cyvilnaj formie. Tudy-siudy. Adryŭ ad vytvorčaści. Tak nie robicca. Praces stanovicca niekiravalnym, a efiekt — admoŭny. Tenis — heta taki vid sportu, jaki patrabuje pastajannaj kancentracyi. Vyrašyli pierajści na adpracoŭku padačy, kab z karyściu vykarystać čas», — skazaŭ Dubroŭ.
Nahadajem, žanočaja zbornaja Biełarusi 22 i 23 krasavika paspračajecca sa šviejcarkami za prava zhulać u finale Kubka Fiederacyi ŭ svoj pieršy siezon u Suśvietnaj hrupie. Matč projdzie na hałoŭnaj placoŭcy «Čyžoŭka-Areny».
Ciapier čytajuć
Kiraŭnika śledčaj hrupy pa spravie Tut.by pasadzili na 14 hadoŭ3
Kamientary