Da Ziamli nabližajecca asteroid JO25 šyrynioj kala paŭkiłamietra. U noč na 20 krasavika jon nablizicca da Ziamli na adlehłaść 1,8 młn kiłamietraŭ (prykładna piać dystancyj ad Ziamli da Miesiaca), paviedamlaje VVS.
Heta maksimalna blizkaja adlehłaść nabližeńnia padobnaha kaśmičnaha cieła za apošnija 400 hadoŭ, udakładnili ŭ amierykanskim kaśmičnym ahienctvie NASA, choć bolš drobnyja kaśmičnyja cieły rehularna pralatajuć mima Ziamli i na bolš blizkaj adlehłaści.
Asteroid JO25 nie niasie realnaj pahrozy płaniecie, choć i ŭvachodzić u pieralik kaśmičnych abjektaŭ, patencyjna niebiaśpiečnych dla žyćcia na Ziamli.
Kali b taki asteroid sutyknuŭsia ź Ziamloj, byŭ by całkam razburany adzin z kantynientaŭ, navat kali b asteroid zvaliŭsia ŭ akijan, śćviardžajuć śpiecyjalisty.
Asteroid budzie lacieć z rekordna vysokaj chutkaściu — kala 33 kiłamietraŭ u siekundu, heta kala 120 tysiač kiłamietraŭ u hadzinu.
U momant zbližeńnia ź Ziamloj asteroid za košt jaho bliskučaj pavierchni možna budzie razhladzieć navat u nievialikija teleskopy.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary