Ciacieryn, Zacharaŭ, Korbut i Ksienija Sankovič — «bryhada» Łukašenki na subotniku FOTY
Alaksandr Łukašenka padčas respublikanskaha subotnika ŭdzielničaŭ u budaŭnictvie Centra alimpijskaj padrychtoŭki pa mastackaj himnastycy.
Samy zapaminalny momant — sumiesnaja pieranoska bierviana bryhadaj Łukašenki.
Napieradzie išoŭ Mikałaj Łukašenka, uśled za im Alaksandr Łukašenka, a paśla — tenisny trenier Siarhiej Ciacieryn, chakiejny trenier Michaił Zacharaŭ i inšyja.
Źviarnicie ŭvahu na dvuch achoŭnikaŭ, jakija supravadžali pracesiju. Jany sprava, ŭ kiepkach z vyjavaj hierba, a nie ŭ kaskach.
Asablivaja ŭvaha padčas subotnika nadzialałasia byłoj himnastcy Ksienii Sankovič.
Kali budaŭniki prapanavali pryznačyć zdaču ŭ ekspłuatacyju Centra alimpijskaj padrychtoŭki na 8 sakavika 2018 hoda, Łukašenka raźviarnuŭsia mienavita da Sankovič: maŭlaŭ, zhodnaja? Taja kakietliva pahadziłasia. «Korbut [aficyjny pamočnik prezidenta — Red.], Sankovič, na kantrol», — padsumavaŭ Łukašenka.
Sankovič pracavała ŭ Nacyjanalnym alimpijskim kamitecie, adnak niadaŭna syšła ŭ dekretny adpačynak. Niekalki miesiacaŭ tamu ŭ jaje naradziłasia dačka.
Himnastka nie pieršy raz źjaŭlajecca ŭ bližejšym atačeńni Łukašenki. Raniej mierkavałasia, što jana akazvałasia tam jak spadarožnica miljaniera Juryja Čyža. Adnak toj paśla zaviedzienaj kryminalnaj spravy vypaŭ z abojmy, a voś Sankovič — zastałasia.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary