Biełaruś bolš hamafobnaja, čym bolšaść krain Jeŭropy, adnak u Rasii, Armienii i Azierbajdžanie pravy ŁHBT pavažajuć jašče mienš. Pra heta śviedčyć śviežy «viasiołkavy rejtynh» jeŭrapiejskich krain, jaki skłała «Mižnarodnaja asacyjacyja leśbijanak, hiejaŭ, biseksuałaŭ, transhiendaraŭ i interseksuałaŭ» (ILGA).
Składalniki rejtynhu aceńvajuć situacyju ŭ kožnaj krainie jak z punktu hledžańnia zakonaŭ, jakija naŭprost tyčacca pradstaŭnikoŭ ŁHBT-supolnaściaŭ, tak i z punktu hledžańnia sacyjalnych nastrojaŭ. Acenka adbyvajecca ŭ šaści katehoryjach: roŭnaść i adsutnaść dyskryminacyi; siamja; ksienafobskija vykazvańni i hvałt; pryznańnie połu; svaboda schodaŭ, asacyjacyj i vykazvańnia; pradastaŭleńnie prytułku.
Zatym krainy ranžyrujucca pa škale ad 0% (surjoznyja parušeńni pravoŭ čałavieka, dyskryminacyja) da 100% (pavaha pravoŭ čałavieka, poŭnaja roŭnaść).
Uzrovień roŭnaści ŁHBT i pavahi da ich pravoŭ u Biełarusi acenieny na 13% z 100%. Taki ž pakazčyk u Małdovy. Nižej za našu krainu znachodziacca San-Maryna (12%), Manaka (10%), Turcyja (9%). Zamykajuć «viasiołkavy rejtynh» Armienija (7%), Rasija (6%) i Azierbajdžan (5%).
Krainami z samym łajalnym staŭleńniem da pradstaŭnikoŭ ŁHBT-supolnaściaŭ u Jeŭropie pryznanyja Malta (88%), Narviehija (78%) i Vialikabrytanija (76%).
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary