U Mazyry rybaki pratestavali suprać namieraŭ ułady zdać Prypiać u arendu
Rajonnaja ŭłada maje namier addać u arendu ŭčastak raki Prypiać, praciahłaściu 91 kiłamietr. I 22 maja ŭ Mazyrskim rajvykankamie maje adbycca aŭkcyjon pa vyznačeńni arandatara. Napiaredadni aŭkcyjonu miascovyja rybaki vyrašyli vykazać pratest suprać namieraŭ ułady.
U hetyja vychodnyja skončyŭsia pieryjad zabarony na bolšaść sposabaŭ łoŭli ryby. Hetaja data ličycca adkryćciom rybałoŭnaha siezona. Ale sioleta ŭ Mazyry rybaki vyrašyli sumiaścić adkryćcio siezona z pratestam suprać arendy raki.
Na bierah Prypiaci nasuprać hałoŭnaj płoščy Mazyra vyjšli amatary rybnaj łoŭli,na śpinach u jakich byli nalepki «Suprać arendy raki Prypiać».
— Ułady śćviardžajuć, što šlacham arendy jany chočuć dać Prypiaci haspadara, ź jakoha možna budzie spytać za stan raki, jaje bierahoŭ. Ale my ŭsie dobra bačym, što i arandavany ciapier učastak u Pietrykaŭskim rajonie, i raniej, kali mazyrski ŭčastak byŭ u arendzie ŭ pradpryjemstva «Nižnie-Prypiackaje», nie adpaviadajuć tym abiacańniam, jakija my čujem ad pradstaŭnikoŭ dziaržavy. Anijakich vynikaŭ niama i nie było. Śmiećcie prybirali roznyja dabraachvotniki padčas ekałahičnych akcyjaŭ. Infrastruktury dla rybałovaŭ-amataraŭ nie było stvorana. A ciapier za mahčymaść złavić rybinu z Prypiaci daviadziecca jašče i płacić. Ad arendy atrymlivajucca tolki niehatyŭnyja nastupstvy dla bolšaści ludziej. Tamu my ličym, što dapuścić pieradaču Prypiaci ŭ arendu ni ŭ jakim razie nielha, — prakamientavaŭ akcyju jaje ŭdzielnik Andrej.
Rybaki, jakija siońnia pratestavali na bierazie z vudami ŭ rukach, spadziajucca, što ŭłada pačuje žycharoŭ Mazyra i adračecca arendy hetkaha važnaha pryrodnaha abjekta. Jany miarkujuć, što raka musić naležać usiamu narodu, a nie niejkim kankretnym asobam.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary