U kiraŭnictvie najbujniejšaj biełaruskaj sietki kramaŭ «Jeŭraopt» prajšli kadravyja pierastanoŭki.
Były staršynia Rady dyrektaraŭ TAA «Jeŭrahandal» Andrej Zubkoŭ staŭ hienieralnym dyrektaram kampanii — niekalki hadoŭ tamu jon užo pracavaŭ na hetaj pasadzie.
Były hiendyrektar Filip Arciomienka pajšoŭ na panižeńnie. Ciapier jon budzie adkazvać za razdrobny handal.
A novym staršynioj Rady dyrektaraŭ staŭ Alaksandr Litvin. Raniej jon byŭ šarahovym siabram Rady dyrektaraŭ.
Alaksandr Litvin — brat Siarhieja Litvina, adnaho z zasnavalnikaŭ kampanii. Litvin zasnavaŭ biznes razam ź jašče adnym biełarusam, Uładzimiram Vasilkam. Ale ž i Litvin, i Vasilka siońnia znachodziacca za miažoj.
U 2003 hodzie abodvuch biznesoŭcaŭ ledź nie zatrymali. Pavodle vysnovaŭ Departamienta finansavych rasśledavańniaŭ Kamiteta dziaržkantrolu, biznesoŭcy mieli dačynieńnie da stvareńnia złačynnaj arhanizacyi i byli vinavatyja ŭ niaspłatach mytnych płaciažoŭ, kantrabandzie, admyvańni dachodaŭ, nažytych złačynnych šlacham.
Ale i Siarhiej Litvin, i Uładzimir Vasilka źjechali za miažu. Pa patrabavańni biełaruskaj prakuratury ich zatrymali ŭ Varšavie, ale palaki vyrašyli, što dokazaŭ viny biznesmienaŭ niama. Litvin i Vasilka vyjšli na volu.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim15
Kamientary