Na hetym tydni čakajecca niaŭstojlivaje nadvorje. Apošnija dni maja buduć ciopłymi i z navalnicami, a červień pačniecca z pachaładańnia, paviedamiŭ Tut.by načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
Sinoptyki papiaredžvajuć: u paniadziełak, 29 maja, na bolšaj častcy terytoryi krainy čakajucca navalnicy, u asobnych rajonach pry navalnicach škvalistaje ŭzmacnieńnie vietru paryvami 15-20 m/s, mocnyja zalevy, jakija zachavajucca da 23 hadziny. Tempieratura pavietra +20 + 25°S, pa poŭdni da +28°S.
U stalicy navalnica čakajecca z 13 da 17 hadzin, u asobnych rajonach horada pry navalnicy škvalistaje ŭzmacnieńnie vietru paryvami 15-20 m/s, mocnyja zalevy. Maksimalnaja tempieratura pavietra +23 + 25°S.
U aŭtorak karotkačasovyja daždžy projduć pa paŭdniova-ŭschodniaj pałovie krainy, u asobnych rajonach navalnicy. Tempieratura nočču +10 +15°S, dniom +20 + 26°S; u paŭnočnych rajonach nočču +7 — +9°S, dniom +17 — +19°S.
31 maja pieravažna pa paŭnočna-zachodniaj pałovie, a ranicaj i dniom na bolšaj častka terytoryi krainy karotkačasovyja daždžy, u asobnych rajonach navalnicy. Dniom pa paŭnočnym zachadzie ŭzmacnieńnie vietru paryvami da 15-18 m/s. Tempieratura nočču ad + 8°S pa paŭnočnym uschodzie da + 17°S pa zachadzie krainy, dniom +20 +27°S, pa paŭdniovym uschodzie da +29°S.
Leta pačniecca z pachaładańnia: z poŭnačy Jeŭropy pačnie pastupać chałodnaje i niaŭstojlivaje pavietranaja masa.
1 červienia na bolšaj častcy terytoryi krainy karotkačasovyja daždžy. Tempieratura nočču +9 +15°S, dniom +13 +20°S, pa paŭdniovym uschodzie da + 22°S.
U piatnicu pieravažna pa paŭnočnym uschodzie krainy, karotkačasovyja daždžy. Tempieratura nočču +3 + 10°S, dniom +12 — +19°S.
U vychodnyja dni z rostam atmaśfiernaha cisku, daždžy na bolšaj častcy spyniacca, tolki ŭ subotu pa paŭnočnym uschodzie krainy projduć karotkačasovyja daždžy. Ale chaładnavataje nadvorje zachavajecca.
Raźviedka ZŠA: Biełaruś stała pieradavym vajskovym płacdarmam Rasii24
Kamientary