Sumiesnaje biełaruska-rasijska-sierbskaje taktyčnaje vučeńnie «Słavianskaje braterstva-2017» projdzie na palihonie «Brescki» i ŭčastku raki Muchaviec u Bresckim rajonie 6-15 červienia, paviedamili ŭ Minabarony Biełarusi.
U mierapryjemstvie voźmuć udzieł padraździaleńni 38-j asobnaj hvardziejskaj desantna-šturmavoj bryhady sił śpiecyjalnych apieracyj Uzbrojenych Sił Biełarusi, 76-j hvardziejskaj desantna-šturmavoj dyvizii Pavietrana-desantnych vojskaŭ Uzbrojenych Sił Rasijskaj Fiederacyi i Śpiecyjalnaj bryhady Uzbrojenych Sił Respubliki Sierbija.
Kiravać vučeńniem budzie kamandujučy siłami śpiecyjalnych apieracyj Uzbrojenych Sił Biełarusi hienierał-major Vadzim Dzienisienka.
Praduhledžana dva etapy. Vajskoŭcam troch krain treba budzie adpracavać pytańni padrychtoŭki i viadzieńnia śpiecyjalnych dziejańniaŭ sumiesnymi padraździaleńniami ŭ časie vykanańnia zadač pa baraćbie z teraryzmam. Taksama vajskoŭcy aznajomiacca z histaryčnymi miescami i kulturnymi tradycyjami krainy.
Kamientary