Hetaja «isteryja», pa słovach pradstaŭnika MZS Rasii, «vyklikaje ŭ nas tolki škadavańnie». U viedamstvie zajavili, što jany «źviarnuli ŭvahu» na «patok dezynfarmacyi i zajezdžanych prapahandysckich kliše ŭ adras Rasii z aficyjnaj Padhorycy». Pry hetym u MZS Rasii nie ŭdakładnili, jakija kankretna zajavy majuć na ŭvazie.
«U palitycy, jak i ŭ fizicy, usialakaje dziejańnie sparadžaje supraćdziejańnie», — havorycca ŭ paviedamleńni. U MZS Rasii adznačyli, što adkaznaść za paharšeńnie adnosin pamiž dźviuma krainami niasie Čarnahoryja.
MZS Čarnahoryi 29 maja abvinavaciŭ Rasiju va ŭmiašańni ŭ palityku krainy, u tym liku ŭ pytańni ŭstupleńnia ŭ NATA. «Rasija adkryta ŭmiešvajecca ŭ našy ŭnutranyja palityčnyja pytańni, čaho my, viadoma, nie ŭchvalajem», — skazaŭ ministr zamiežnych spraŭ Čarnahoryi Sierdžan Darmanovič, paviedamlała teleradyjokampanija RTGG. Darmanovič adznačyŭ, što rasijskaja vyviedka «adkryta» padtrymlivaje čarnahorskuju apazicyju, jakaja vystupaje suprać ustupleńnia krainy ŭ NATA.
U adkaz na heta MZS Rasii rekamiendavaŭ rasijanam «dvojčy padumać», pierš čym jechać u Čarnahoryju. Pa słovach pradstaŭnika viedamstva Maryi Zacharavaj, takaja rekamiendacyja zroblena ŭ suviazi z «nahniatańniem antyrasijskaj isteryi», jakaja razhortvajecca «na fonie ahulnaha rehresu dvuchbakovych adnosinaŭ».
-
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
-
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
-
U Jeŭropie raście razryŭ u praciahłaści žyćcia pamiž rehijonami. U čym pryčyny?
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?4
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary