Zbornaja Biełarusi pa futbole zhulaje siońnia na stadyjonie «Traktar» (19:00) tavaryski matč. Niezvyčajnaść jaho ŭ tym, što supiernikam budzie zbornaja Novaj Ziełandyi — heta samaja addalenaja ad nas dziaržava.
Novaziełandcy kirujucca ŭ Rasiju, dzie z 17 červienia voźmuć udzieł u Kubku kanfiederacyj. Heta futbolny turnir, što pravodzicca za hod da čempijanatu śvietu i ŭ jakim biaruć udzieł pieramožcy kantynientalnych pieršynstvaŭ, čempijon śvietu i kraina-haspadar spabornictvaŭ.
Novaja Ziełandyja stabilna pieramahaje na čempijanatach Akijanii (piać razoŭ), a ŭ 2010 h. brała ŭdzieł u ČS pa futbole ŭ PAR, dzie ŭ hrupavym turniry zhulała ŭsie try matčy ŭničyju, u tym liku ź Italijaj (1:1), ale, praŭda, nie vyjšła z hrupy.
All Whites (tak nazyvajuć hetuju zbornuju) zhulajuć na Kubku kanfiederacyj u adnoj hrupie z Rasijaj, Partuhalijaj i Mieksikaj.
U inšaj hrupie hulajuć Kamierun, Hiermanija, Čyli, Aŭstralija.
U suśvietnym rejtynhu Biełaruś znachodzicca na 83-m miescy, Novaja Ziełandyja — na 95-m.
Nahadajem, što ŭ piatnicu biełarusy ŭ adboračnym matčy da ČS pa futbole pieramahli Bałharyju 2:1.
Što da matča Biełaruś — Novaja Ziełandyja, to cana kvitkoŭ na hulniu składaje 3-4 rubli.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary