Pad Mahilovam pastavili pomnik rasijskamu hienierału-słavianafiłu, redaktaru «Russkoho mira» FOTA
Biust hienierała Rasijskaj impieryi Michaiła Čarniajeva adkryli 9 červienia u vioscy Łyskaŭščyna Kruhlanskaha rajona Mahiloŭskaj vobłaści.
Biust byŭ vyrableny za srodki PMK №266, jakoj naležyć ekaturystyčny kompleks. Pomnik ustalavali niedaloka ad pachavańnia ruskaha mastaka Mikałaja Nieŭreva, ź jakim hienierała Čarniajeva źviazvała doŭhaje siabroŭstva.
Čarniajeŭ, jaki naradziŭsia ŭ 1828 hodzie ŭ Mahiloŭskaj hubiernii, najbolš viadomy jak zavajoŭnik Turkiestana i hałoŭnakamandujučy sierbskaj armijaj. Čarniajeŭ ličyŭsia mužnym vajarom.
Pa svaich pohladach jon byŭ viadomym kansiervataram i słavianafiłam. Jon aktyŭna padtrymlivaŭ ideju, što Rasija — kraina, jakaja pavinna vyzvalić i sabrać «pad svaim kryłom» usie słavianskija narody.
Nie dziŭna, što rasijski hienierał pisaŭ pra nieabchodnaść «ucichamiryć bandy polskich paŭstancaŭ» u 1863 hodzie.
Uvohule, pohlady koła Čarniajeva nahadvajuć siońniašnich amataraŭ ruskaha śvietu. Tolki, kali siońnia ŭ ich «hałoŭny vorah» — Amieryka, to ŭ słavianafiłaŭ XIX stahodździa ličyłasia, što suprać Rasii pastajanna štości «mucić» Hiermanija. Adzin ź siabroŭ Čarniajeva pisaŭ ab «spradviečnych namahańniach hiermanskaj nacyi padparadkavać i aniamiečyć słavianstva; adsiul nieabchodnaść abjadnańnia razroźnienych słavianskich plamionaŭ pad viaršynstvam Rasii i niepaźbiežnaść enierhičnaj ruskaj palityki, nakiravanaj hałoŭnym čynam suprać Aŭstryi».
Adzin z nabližanych hienierała, Usievaład Krestoŭski, paličyŭ patrebnym ačyścić ad škodnych libieralnych knih hramadskuju biblijateku, jakuju sabrali ŭ Taškiencie, i biblijateka była faktyčna źniščana.
Peŭny čas sam Čarniajeŭ redaktavaŭ kansiervatyŭnuju pieciarburhskuju hazietu «Russkij mir». Praŭda, asablivym pośpiecham vydańnie nie karystałasia.
Kamientary