Ad WhatsApp da «Sihnała»: top-5 najbolš biaśpiečnych miesiendžaraŭ
Bolšaść stvaralnikaŭ sučasnych miesiendžaraŭ tak ci inakš imknucca kłapacicca pra biaśpiečny abmien paviedamleńniami pamiž karystalnikami. Zaraz možna navat kazać pra suśvietny trend u abaronie trafiku, jaki pieradajecca ŭ internecie. Jaho prytrymlivajucca ŭsie bujnyja raspracoŭščyki.
Naš rejtynh najbolš biaśpiečnych miesiendžaraŭ vyhladaje nastupnym čynam.
1. WhatsApp
U krasaviku minułaha hoda WhatsApp pierajšoŭ na end-to-end šyfravańnie na ŭsich płatformach, što aznačaje, što razmovy mohuć być pračytanyja tolki vami i vašym surazmoŭcam. Praź niekatory čas paśla hetaha ŭźnikali papiaredžańni, što ŭ sistemie abarony WhatsApp majucca peŭnyja prablemy, ale ŭ rešcie rešt vyśvietliłasia, što hetyja naviny nie što inšaje jak fejk.
2. Signal
Adnosna novy miesiendžar, jaki ŭpeŭnienymi krokami idzie napierad i stanovicca ŭsio bolš papularnym i ŭ Biełarusi.
Z dapamohaj Signal možna abmieńvacca paviedamleńniami i zvankami z abanientami sa svajoj telefonnaj knihi. Usia infarmacyja zašyfravanaja i navat stvaralniki dadatku nie mohuć atrymać da jaje dostup. U dokaz hetamu ŭ prahramy całkam adčynieny kod, jaki možna prahledzieć na GitHub.
Signal, jak amal usie sučasnyja miesiendžary, pryviazvajecca da telefonnaha numaru i pracuje va ŭsich krainach. Jość mahčymaść adpravić mienš važnyja pierapiski ŭ archiŭ, dzie jany buduć zachoŭvacca, pakul nie spatrebiacca vam.
Dadatak spansujecca supolnaściu i za košt hrantaŭ. Raspracoŭščyki abiacajuć adsutnaść rekłamy i jakich-niebudź sposabaŭ manietyzacyi ŭ budučyni.
3. FrozenChat
«Zamarožany čat» taksama prapanoŭvaje end-to-end šyfravańnie z OTR (Off the Record, abo «biez zapisu»). Heta značyć, što vy nie tolki majecie abaronu vašaje pierapiski ad čužych vačej i možacie spraŭdzić, z kim vy razmaŭlajecie, ale taksama možacie być upeŭnienyja, što nichto nie padrobić vašaje paviedamleńnie.
U dadatku jość dziŭnaja fiška. Paśla taho, jak razmova skončana, kožny moža ŭnosić praŭki ŭ luboje čužoje paviedamleńnie, taksama jak i vy možacie «padrabić» paviedamleńni vašaha surazmoŭcy.
Atrymlivajecca, nichto nie zmoža dakazać, što toje ci inšaje paviedamleńnie było napisanaje mienavita vami.
4. ChatSecure
Jak i FrozenChat, ChatSecure vykarystoŭvaje sistemu OTR, a taksama adkryty XMPP-pratakoł. Android-viersija miesiendžara ŭžo amal nie padtrymlivajecca, ale viersija dla iOS usio jašče aktyŭna raspracoŭvajecca.
Napačatku razmovy vy ŭbačycie ličbavy adbitak palca i spraŭdzicie adpaviedny adbitak siabra, kab pierakanacca, što nichto nie pierachoplivaje paviedamleńni.
ChatSecure taksama ŭklučaje ŭ siabie ekśpierymientalnuju funkcyju, jakaja dazvalaje vykarystoŭvać Tor, što dapamoža schavać vašaje miescaznachodžańnie.
5. Telegram
Pradukt Paŭła Durava, stvorany im paśla sychodu z «Ukantakcie», Telegram źjaŭlajecca adnym z samych papularnych biaśpiečnych miesiendžaraŭ. Ale nie ŭsio tak adnaznačna. Jość mahčymaść stvarać sakretnyja čaty, jakija možna adkryć tolki na tych pryładach, dzie jany byli stvoranyja. Ale łakalnaja baza dadzienych paviedamleńniaŭ nie šyfrujecca pa zmoŭčańni, tak što vy pavinny samastojna ŭstalavać parol. A ałharytm šyfravańnia, jaki vykarystoŭvajecca dla sakretnych čataŭ, MTProto, stvaryli sami raspracoŭščyki Telehrama. Daviarać im ci nie — asabistaja sprava kožnaha karystalnika. Zrešty, terarysty Isłamskaj dziaržavy daviarajuć.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary