Bitcoin vyklikaŭ deficyt videakart u Rasii. Tłumačym, što zdaryłasia
U Rasii ŭźnik vostry deficyt videakart dla piersanalnych kampjutaraŭ, paviedamlaje sajt «Viedomosti». U Maskvie jany amal całkam źnikli z prodažu. Šmatlikija pakupniki nabyvajuć pa niekalki socień videakart, chacia ich košt užo vyras amal u 2 razy. Što nasamreč zdaryłasia i jak heta źviazana z kryptavalutami?
Ekśpierty miarkujuć, što padobny ažyjataž uźnik z-za majnieraŭ — ludziej, jakija emitujuć («majniać») na svaich kampjutarach kryptavaluty.
Majninh — nabor matematyčnych apieracyj na kampjutary, jaki hienieruje adzinki kryptavaluty. Lepš za ŭsio z majninham spraŭlajucca mienavita pracesary videakart.
Za apošnija niekalki miesiacaŭ kurs kryptavalut značna vyras, što vyklikała pavieličeńnie kolkaści majnieraŭ u Rasii. Naprykład, tolki za 3 miesiacy kurs kryptavaluty bitkoin vyras na 200%, a kryptavaluta Etherium padaražeła ŭ 24 razy. Ludzi pačali aktyŭna cikavicca hienieracyjaj kryptavaluty, što i vyklikała šalony ažyjataž na videakarty.
Kryptavaluty pabudavany takim čynam, što hienieracyja kožnaj novaj adzinki takoj valuty patrabuje ŭsio bolšaj vyličalnaj mahutnaści. Majniery abjadnoŭvajucca ŭ puły, u składzie jakich jany arandujuć videakarty, jakija fizična znachodziacca ŭ miescach z tannaj elektryčnaściu.
Zhodna z padlikami ekśpiertaŭ, kampjutar koštam 2,5—3 tysiačy dalaraŭ dla vytvorčaści bitkoina moža akupicca za hod, a kampjutar, jaki hienieruje kryptavalutu Etherium, moža akupicca za 2 miesiacy.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary