U Bresckim rajonie pravaachoŭniki zatrymali sieryjnych złodziejaŭ, jakija ŭčynili bolš za 30 kradziažoŭ z dačnych damoŭ, paviedamiŭ BIEŁTA aficyjny pradstaŭnik UUS Bresckaha abłvykankama Ilja Pomin.
Paviedamleńni ab kradziažach u sadovych tavarystvach pačali pastupać u milicyju ŭ sakaviku biahučaha hoda. Złodziei pranikali ŭ damy, vymajučy škło abo raźbivajučy vokny. «Jany pranikali ŭ sadovy domik u adsutnaść haspadaroŭ, učyniali biesparadak, paśla čaho zabirali paru kaštoŭnych rečaŭ, budinstrumientaŭ, śpirtnyja napoi i ŭciakali», — raspavioŭ Ilja Pomin.
Raskryćcio hetych złačynstvaŭ znachodziłasia na asablivym kantroli kiraŭnictva UUS i Bresckaha RAUS. Byŭ raspracavany ceły kompleks apieratyŭna-vyšukovych mierapryjemstvaŭ. Padčas rejdu ŭ adnym z sadavodčych tavarystvaŭ uvahu pravaachoŭnikaŭ pryciahnuli maładyja ludzi, jakija ŭvažliva razhladali vokny dačnych damkoŭ. Padazreńni apieratyŭnikaŭ paćvierdzilisia — pry zatrymańni ŭ junakoŭ byli znojdzienaja raniej vykradzienyja rečy.
Złamyśnikami akazalisia troje žycharoŭ Bresta (adzin 1998-ha i dvoje 2000 hoda naradžeńnia). Usie jany źjaŭlajucca navučencami. Raniej nie pryciahvalisia ni da kryminalnaj, ni da administracyjnaj adkaznaści. U chodzie dopytu padazravanyja paviedamili, što šukali hrošy ci kaštoŭnaści. Nie znajšoŭšy ich, zabirali inšyja rečy, jakija možna lohka panieści. Znojdzienyja pry ahladzie miescaŭ zdareńniaŭ ślady dapamahli kryminalistam abjadnać pamiž saboj mnostva ŭčynienych na terytoryi Bresckaha rajona kradziažoŭ.
U dačynieńni da maładych ludziej raspačataja kryminalnaja sprava pa č. 2 art. 205 (kradziež) KK RB. Jany źmieščanyja ŭ izalatar časovaha ŭtrymańnia i ŭziatyja pad vartu. U ciapierašni čas ekśpierty pravodziać daśledavańni, jakija dapamohuć pravaachoŭnym orhanam vyjavić dačynieńnie złamyśnikaŭ da inšych złačynstvaŭ.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary