Sa słovaŭ lidera Paŭnočna-Zachodniaj Asiecii vychodzić, što apošniaja vajna na Kaŭkazie mieła jašče i vyrazny charaktar estetyčnaj sprečki. Rasieja «dziejničała pryhoža», tym samym naviazvajučy hruzinam kanony charastva. Feljeton Lolika Uškina.
Sa słovaŭ lidera Paŭnočna-Zachodniaj Asiecii vychodzić, što apošniaja vajna na Kaŭkazie mieła jašče i vyrazny charaktar estetyčnaj sprečki. Rasieja «dziejničała pryhoža», tym samym naviazvajučy hruzinam kanony charastva, a tyja, u svaju čarhu, vychodzić, nieśli asetynam i abchazam niejkija adstojnyja ŭjaŭleńni nakont razumieńnia pryhožaha.
Pamiatka sałdatu rasiejskaj 58-j armii, udzielniku vajskova-estetyčnaj aperacyi «Zmušeńnie da pryhažości».
Sałdat! Našy doblesnyja vojski ŭstupajuć na terytoryju Hruzii.
Sałdat! Viedaj: my niasiom hruzinskamu narodu nia tolki vyzvaleńnie ad dyktatury ružaŭ. My impartujem novyja ŭniversalii subjekt-abjektnaha šerahu, jakija fiksujuć semantyčna-hielštaltnuju asnovu daskanałaści, jakaja, u svaju čarhu, usprymajecca sensornym sposabam.
Hruzija daŭno traktuje śviet pryhožaha ŭtylitarna i płoska. Pahladzicie, u jakija łachoŭskija kaściumy apranuŭ hruzinskich sałdataŭ Saakašvili! Hruzija pierabyvaje ŭ tatalnym estetyčnym kryzisie.
Sałdat! Dziejučy na poli boju, nie zabyvajsia pra asnoŭny pryncyp pryhažości, sfarmulavany Tamašom z Akvina, — harmonija, harmonija i jašče raz harmonija. Tamu, zajmajučy ahniavuju pazycyju,
namahajsia vykapać adzinočny akop pablizu jakich-niebudź pradmietaŭ na miascovaści, jakija b zapuskali ŭ śviadomaści hruzinaŭ praces raźvićcia idejaŭ harmoniipryrody i čałavieka.
Sałdat! Pamiataj pra estetyčnyja pohlady kubistaŭ i ekspresijanistaŭ — sapraŭdnaje charastvo rečaŭ u tym, jak jany jość. Rujnujučy damy, namahajsia,
kab vybuchovaj chvalaj tvaich hranataŭ abo bombaŭ ruiny eksplikavalisia i składalisia ŭ aryhinalnuju kampazycyju, jakaja dazvolić hruzinam vyjści za miežy klasyčnaj estetyki Kikabidze— Džuhašvili.
Sałdat! Nie zabyvajsia na teoryju katarsisu, raspracavanuju Arystotelem, — vyzvaleńnie ad drennych afektaŭ šlacham psychaterapii. Naprykład, praz uzvyšany styl movy. Vykarystoŭvaj u razmovach z pałonnymi i nasielnictvam na zmušanaj da pryhažości terytoryi cytaty z ajčynnaj i suśvietnaj klasyki. Kštałtu: “
Ty, kazioł! U Łukamorja dub zialony.A ciapier lažać! Ja skazaŭ lažać, kazioł!»
Sałdat! Pamiataj pra estetyčnyja zababony postmadernistaŭ, bieź jakich nielha ŭjavić ciapierašniuju cyvilizacyju.
Padčas pieramovaŭ nakont terminaŭ vychadu našaha korpusu z krainy naviazvajcie apanentam moŭnyja hulni,praktykujcie razmytaść sensavych kanstrukcyj, adsutnaść tatalitarnaj kankretyki madernizmu. Heta budzie dapamahać hruzinam uklučycca ŭ arbitu sučasnaj eŭrapiejskaj kultury.
Napierad! Za nami Rasieja i viera ŭ absalut daskanałaści!
Tvoj,
hałoŭnakamandujučy, harant charastva, estet
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary