Pieršy ministr šatłandskaha ŭrada Nikoła Sterdžen zajaviła, što «pierahruzić» svaje płany pa praviadzieńni refierendumu ab niezaležnaści Šatłandyi, paviedamlaje «JeŭraPraŭda » sa spasyłkaj na BBC.
Raniej Sterdžen vystupała za praviadzieńnie refierendumu ŭ pieryjad vosieni 2018 hoda i viasny 2019 hoda. Adnak na daterminovych vybarach u brytanski parłamient Šatłandskaja nacyjanalnaja partyja pakazała pravalny vynik i straciła tracinu deputackich miescaŭ, paśla čaho šatłandskija nacyjanalisty zadumalisia nad mahčymaściu adterminoŭki plebiscytu.
Sterdžen zajaviła, što jaje ŭrad nie budzie sprabavać nieadkładna pradstaŭlać zakanadaŭstva ab praviadzieńni refierendumu. A «padvoić svaje namahańni, kab paŭpłyvać na pieramovy ab Brexit ŭ intaresach Šatłandyi».
Sterdžen paabiacała viarnucca da pytańnia refierendumu paśla zaviaršeńnia pieramoŭnaha pieryjadu ź ES, «kali ŭmovy Brexit stanuć bolš zrazumiełymi».
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary