U Breście zatrymali 22-hadovaha chłopca. Jon trapiŭsia za raspaŭsiud narkotykaŭ, ale padčas śledstva ŭspłyli novyja padrabiaznaści jaho dziejnaści.
Fihuranta zatrymali supracoŭniki HUBAZiK pa Bresckaj vobłaści za zbyt asabliva niebiaśpiečnaha psichatropnaha rečyva — 4 SIES, vahoj 7 hram.
Padśledny svajo staŭleńnie da abvinavačańnia vykazać admoviŭsia, jak i ad dačy pakazańniaŭ. Viadoma, što chłopiec maje bazavuju adukacyju, raniej pracavaŭ achoŭnikam u načnym kłubie i pryciahvaŭsia da kryminalnaj adkaznaści za chulihanstva.
Padčas śledstva vyśvietliłasia, što junak jašče i namahaŭsia streści hrošy z dvuch chłopcaŭ i ich 16-hadovaj siabroŭki.
Ad chłopcaŭ, ź jakimi žyŭ u adnym dvary, padazravany patrabavaŭ 4 tysiačy dalaraŭ.
Chłopcy paznajomilisia ŭ sacsietcy z 16-hadovaj dziaŭčynaj. Daviedaŭšysia, što siamja dzieviacikłaśnicy źjaŭlajecca zabiaśpiečanaj, chłopcy pačali prasić u jaje hrošaj pad padstavaj viartańnia doŭhu 22-hadovamu chłopcu.
Dziaŭčyna pahadziłasia vyručyć svaich novych siabroŭ.
Tady «kredytor» staŭ pahražać dziaŭčynie pryčynieńniem cialesnych paškodžańniaŭ joj i jaje blizkim, kali taja nie addaść jamu 4 000 dalaraŭ ZŠA, jakija nibyta pavinny jaje siabry. Kab zapałochać školnicu, padazravany źbiŭ adnaho z chłopcaŭ u jaje na vačach. U druhoha junaka mužčyna zabraŭ «ajfon». Školnica stała bajacca jaho i ciaham lipienia 2016 hoda — studzienia 2017 hoda pieradała abvinavačvanamu asabista i praz svaich znajomych bolš za 1 200 dalaraŭ ZŠA baćkoŭskich źbieražeńniaŭ, uziatych tajemna ad ich, paviedamlaje Śledčy kamitet.
Nieviadoma, čym by hetaja historyja skončyłasia, ale chłopiec trapiŭsia za raspaŭsiud narkotykaŭ.
Siońnia jon znachodzicca pad vartaj.
Jaho vinavaciać u vymahalnictvie z užyvańniem hvałtu i zbycie asabliva niebiaśpiečnych psichatropaŭ.
Materyjały spravy pieradali ŭ sud.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki11
Kamientary