Pamior Vasil Nieściarenka
25 žniŭnia na 74‑ym hodzie žyćcia pamior dyrektar instytutu radyjacyjnaj biaśpieki «Biełrad» Vasil Nieściarenka. Navukoviec pamior paśla aperacyi na straŭniku.
25 žniŭnia na 74‑ym hodzie žyćcia pamior dyrektar instytutu radyjacyjnaj biaśpieki «Biełrad» Vasil Nieściarenka. Navukoviec pamior paśla aperacyi na straŭniku.
Staršynia dabračynnaha fondu «Dzieciam Čarnobyla» Hienadź Hrušavy ŭspaminaje: «Vasil Nieściarenka — adzin ź niamnohich maich znajomych, jaki ŭsio žyćcio mieŭ i zachavaŭ sapraŭdnaje čałaviečaje abličča. Pačynajučy ad 1986 hodu, Nieściarenka byŭ tym čałaviekam, jaki nia chłusiŭ, nie chavaŭsia i nie šukaŭ kampramisaŭ.
Usio žyćcio jon zmahaŭsia z tymi, chto spačatku pryviali ŭ Biełaruś Čarnobylskuju trahiedyju, a paśla sprabavali jaje schavać. Kali za svaju ćviorduju pazycyju navukoŭca vypierli z usich pracaŭ, to jon nie skaryŭsia, a stvaryŭ «Biełrad», dzie praciahvaŭ havaryć praŭdu pra radyjacyju i jaje nastupstvy.Sprabavaŭ, čym moh, dapamahčy žycharam zabrudžanych terytoryj, asabliva dzieciam. Z maich znajomych usiaho niekalki čałaviek tak i nia kinuli hetaj hanarovaj, ale ciažkaj pracy. Siońnia ja nizka schilaju hałavu pierad pamiaćciu hetaha čałavieka. Spadziajusia, što pryjdzie čas, kali i pamiać pra Vasila Nieściarenku ŭšanujuć i na dziaržaŭnym uzroŭni».
Vasil Nieściarenka naradziŭsia 2 śniežnia 1934 hodu ŭ Łuhanskaj vobłaści (Ukraina). Skončyŭ Maskoŭskaje vyšejšaje techničnaje vučylišča imia Baŭmana (1958). Pracavaŭ u Akademii navuk SSSR. Ad 1963 hodu ŭ Biełarusi. Z 1990 hodu dyrektar Instytutu radyjacyjnaj biaśpieki «Biełrad». Doktar techničnych navuk, prafesar.
Apošnija hady žyćcia Vasil Nieściarenka byŭ adkrytym praciŭnikam pabudovy ŭ Biełarusi AES.
U śniežni 2006 hodu ŭ interviju «NN» prafesar tak vykazaŭsia adnosna pabudovy AES:«Staŭleńnie kateharyčna admoŭnaje. U nas niama patrebnych kadraŭ, inžyniernaj infastruktury.
U ekanamičnym planie AES budzie daražejšaj, čym paliva, jakoje my nabyvajem ciapier. U lubym vypadku zastajecca zaležnaść ad Rasiei, ci my kuplajem haz, ci ŭran.Jak na moj pohlad, to najpierš treba razabracca z nastupstvami Čarnobylskaj trahiedyi, a ŭžo potym dumać pra ŭłasnuju stancyju».
Pachavańnie Vasila Nieściarenki adbudziecca 27 žniŭnia.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary