Usio zdaryłasia na fonie pieratamleńnia. Tak pamočnik kiraŭnika Dziaržpahransłužby Ukrainy patłumačyŭ stratu prytomnaści svajho kiraŭnika Viktara Nazaranki. Nahadajem, čynoŭnik straciŭ prytomnaść padčas pramovy Alaksandra Łukašenki pa vynikach pieramovaŭ ź Piatrom Parašenkam.
Adrazu paśla zdareńnia Viktara Nazaranku advieźli ŭ reanimacyju, dzie jon pravioŭ usie vychodnyja. Ciapier čynoŭnika pieraviali ŭ zvyčajnuju pałatu.
— Stan zdaroŭja zdavalniajučy, usie žyćciovyja pakazčyki ŭ normie. Ale Viktar Nazaranka pa-raniejšamu zastajecca na balničnym i znachodzicca ŭ špitali pad nahladam lekaraŭ, — raspavioŭ tut.by Aleh Słabodzian.
Kalehi čynoŭniki ŭdakładnili, što kiraŭnik užo try hady nie byŭ u adpačynku i ŭ apošni čas z-za vysokaha cisku byŭ na miažy hipiertaničnaha kryzisu.
Kiraŭniku Dziaržpahransłužby stała kiepska ŭ časie sumiesnaj zajavy prezidentaŭ Biełarusi i Ukrainy. Alaksandr Łukašenka navat pierapyniŭ svaju pramovu i paprasiŭ dać čynoŭniku kresła. Ale ŭ hety momant Viktar Nazaranka straciŭ prytomnaść. Supracoŭniki achovy vynieśli jaho z zały.
— Voś i nasyčanyja pieramovy. Nie treba pierasilvać členaŭ urada,- - prakamientavaŭ tady situacyju Alaksandr Łukašenka.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary