Kiraŭnik t. zv. «DNR» Alaksandr Zacharčanka zajaviŭ, što kančatkovaha rašeńnia pa stvareńni Małarosii niama. Pa jaho słovach, pakul tolki pačałasia dyskusija na hetuju temu, piša RBK.
U zajavie Zacharčanki, jakuju pryviało «Danieckaje ahienctva navin», skazana pra toje, što «kančatkovyja rašeńni adnosna mahčymaści stvareńnia novaha dziaržaŭnaha ŭtvareńnia (Małarosii) u składzie Danbasa i rehijonaŭ Ukrainy nie pryniatyja». «Hałoŭnaje, dyskusija budzie praciahnutaja», — skazaŭ kiraŭnik «DNR».
Zacharčanka zajaviŭ, što na Danbasie nie stvarali novaj dziaržavy, a tolki prapanavali dyskusiju. Pa jaho słovach, ułady «DNR» atrymali vielizarnuju kolkaść vodhukaŭ z usioj Ukrainy. Pryčym vodhuki hetyja nieadnaznačnyja. Jak adznačyŭ Zacharčanka, «adroźnivajucca mierkavańni adnosna raźmiaščeńnia stalicy, dziaržaŭnaj simvoliki, a taksama składu, farmatu i miesca praviadzieńnia lehitymnaha ŭstanoŭčaha schodu z pradstaŭnikami abłaściej Ukrainy».
Ideja kiraŭnika «DNR» sapraŭdy vyklikała supiarečlivyja vodhuki. Tak, u «ŁNR» adrazu zajavili, što nie majuć nijakaha dačynieńnia da Małarosii, u Viarchoŭnaj radzie prapanavali abmierkavać novuju dziaržavu ź psichijatrami, a pres-sakratar rasijskaha prezidenta Dźmitryj Piaskoŭ nazvaŭ vystup Zacharčanki jaho asabistaj inicyjatyvaj.
«Karysnym» «chajp z nahody ŭjaŭnaj dziaržavy Małarosija» nazvaŭ pamočnik prezidenta Rasii Uładzisłaŭ Surkoŭ. Jon patłumačyŭ słovy Zacharčanki tym, što Danbas «vajuje nie za adździaleńnie ad Ukrainy, a za jaje cełasnaść».
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
-
Dźmitryj Miadźviedzieŭ: Finlandyi daviadziecca zapłacić za svaju miarzotnuju rusafobiju
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary