Što takoje menspredynh? I ci mahčyma z hetym zmahacca?
Tyja, chto choć niekalki razoŭ kataŭsia ŭ mietro, nie moh nie sutykacca z takoj źjavaj, kali mužčyna šyroka raskidvaje nohi. Heta dastaŭlaje dyskamfort ludziam, jakija siadziać ź im pobač.
Takija mužčynskija pavodziny ŭłaścivyja nie tolki na postsavieckaj prastory, z toj ža prablemaj sutykajucca pasažyry mietro ŭ Ńju-Jorku, Tokia ci Madrydzie. Źjava absalutna internacyjanalnaja.
U anhlijskaj movie isnuje navat asobnaje słova na takija dziejańni — manspreading. Ad anhlijskich słovaŭ «mužčyna» i «raskidvać».
«Užo da Rasii hety marazm dakaciŭsia. Hetyja fieministki choć by mužčynskuju anatomiju sabie ŭjaŭlali, abo im, akramia ŭłasnych kompleksaŭ, ništo nie važna?» — napisaŭ na svajoj staroncy ŭ fejsbuku prarasijski hramadski aktyvist Arciom Ahafonaŭ paśla prahladu repartaža na telekanale «Dožd́».
Cikava, što ŭ sacyjalnych sietkach za mužčyn, jakija tak pavodziacca ŭ hramadskim transparcie, pačali zastupacca mnohija žančyny. Maŭlaŭ, heta banalnaja anatomija i my sastupim miesca, kab im było zručna siadzieć.
U Ńju-Jorku možna atrymać štraf za zanadta šyroka rasstaŭlenyja nohi. Byli vypadki, kali palicejskija sapraŭdy aryštoŭvali mužčyn za padobnyja pavodziny.
Adzin z zatrymanych łacinaamierykancaŭ tłumačyŭ vydańniu The Huffington Post, što ścisnutyja kaleni — heta prajava słabaści ci homaseksualizmu. Praciŭniki ž kažuć, što heta elemientarnaja kultura. I luby mužčyna zdolny siadzieć u transparcie tak, kab nie ŭščamlać svaich susiedziaŭ.
Sioleta ŭ červieni znaki, jakija zabaraniajuć mužčynam šyroka raskidvać nohi, źjavilisia ŭ madrydskim mietro. Padobnaja sacyjalnaja rekłama źjaŭlajecca i ŭ inšych suśvietnych haradach.
U Biełarusi prablemu menspredynhu na hramadskaje abmierkavańnie pakul nie vystaŭlali. Najčaściej heta abmiažoŭvajecca dopisami błohieraŭ ci nie vielmi zaŭvažnymi publikacyjami ŭ ŚMI.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie2
Kamientary