Pavodle Muamara Kadafi, novaja reforma budzie ažyćcioŭlena ciaham čatyroch miesiacaŭ.
Lider krainy Muamar Kadafi zajaviŭ, što prybytak ad zdabyčy nafty budzie niepasredna pieradavacca jaje hramadzianam.
Vystupajučy ŭ druhim pa značeńni horadzie krainy — Benhazi, u ramkach śviatkavańnia 39‑j hadaviny Livijskaj revalucyi, pałkoŭnik Kadafi chvaliŭ pieravahi pryvatyzacyi. Livijski lider zajaviŭ, naprykład, što «hramadztva pieraacenić siabie novym, demakratyčnym čynam».
Pavodle Kadafi, novaja reforma budzie ažyćcioŭlena ciaham čatyroch miesiacaŭ.
Kadafi skazaŭ, što hrašam, jakija zaraz vydzialajucca na patreby adukacyi, budzie znojdziena lepšaje prymianieńnie, kali ich buduć razdavać niepasredna baćkam.
«Pakładzicie ich sabie ŭ kišeniu i vučycie svaich dzietak, kali vam tak bolš padabajecca — ale adkaznaść za heta laža tolki na vas», ‑‑ zajaviŭ kiraŭnik Džamachiryi.
«Pakul hrošy dajucca dziaržaŭnym ustanovam, niama kanca kraju karupcyi i złodziejam», — kaža Kadafi.
Jak paviedamlaje karespandent Bi‑Bi‑Si ŭ Trypali Rana Džavad,
livijski lider, jaki kaliści budavaŭ u svajoj krainie sacyjalizm, ciapier całkam naviarnuŭsia ŭ kapitalistyčnuju vieru.
Adzinymi dziaržustanovami, jakija nie zakranie refarmavańnie, zastanucca ministerstvy justycyi, abarony, nutranych i zamiežnych spraŭ.
Plany reformaŭ, jakija abnarodavaŭ Muamar Kadafi, pa sutnaści jość uvasableńniem zaklikaŭ, ź jakimi vystupaŭ jahony syn Saif Isłam Kadafi.
U žniŭni jon abviaściŭ pra spynieńnie svajoj palityčnaj karjery, ale da hetaha vystupiŭ z prapanovaj pra reformy ŭ halinie ekanomiki i dziaržaŭnaha kiravańnia.
Livija zajmaje treciaje ŭ Afrycy pa zdabyčy nafty, śledam za Anhołaj i Nihieryjaj.
Dniami kraina padpisała pahadnieńnie ź Italijaj pra ŭrehulavańnie pretenzij, jakija adnosiacca da kalanijalnaj epochi.
Italija pahadziłasia finansavać bujnyja prajekty ŭ halinie madernizacyi infrastruktury, u tym liku i aŭtamahistral uzdoŭž mižziemnamorskaha ŭźbiarežža.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek15
Kamientary