Češski daśledčyk Jakub Maryjan skłaŭ kartu, na jakoj pakazana, jak u jeŭrapiejskich krainach nazyvajuć vośmy miesiac u hodzie. Akazałasia, što biełarusy — adzinaja nacyja na kantyniencie, jakaja vykarystoŭvaje nazvu «žnivień».
Samaja raspaŭsiudžanaja nazva miesiaca — heta «aŭhust». U Staražytnym Rymie tytuł «Augustus» (litaralna — «Vieličny») atrymaŭ Aktavijan Aŭhust (pry naradžeńni — Haj Aktavij Furyn), pryjomny syn Haja Julija Cezara. Mienavita ŭ honar jaho byŭ nazvany vośmy miesiac u hodzie.
Druhoje miesca pa raspaŭsiudžanaści zajmajuć vytvornyja ad słova «sierp», źviazanaha z uborkaj uradžaju (užyvajecca ŭ Polščy, Ukrainie i Čechii).
Na trecim miescy irłandskaja Lunasa i helskaja Lùnasdal. Jany atrymali svaju nazvu ŭ honar boha Łuhi ź irłandskaj mifałohii.
Akramia «žniŭnia» (nazva ŭtvaryłasia ad słova «žnivo») na karcie možna ŭbačyć litoŭski rugpjūtis («miesiac, kali zrazajuć žyta»), finski elokuu («miesiac uradžaju») i charvacki kolovoz. Jon źjaviŭsia ad źlićcia dvuch słoŭ: kolo («koła») i voziti («vadzić transpartny srodak»).
Taksama na karcie adlustravany niekalki inšych nazvaŭ. Jany ŭžyvajucca ŭ movach paŭnočnych narodaŭ, jakija nie majuć svajoj dziaržaŭnaści.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary