Hałoŭny architektar Minska: Hramadskija abmierkavańni varta pieranieści ŭ internet
Staršynia kamiteta architektury i horadabudaŭnictva Minharvykankama Pavieł Łučynovič zaklikaŭ źmianić formu i mietadałohiju praviadzieńnia hramadskich abmierkavańniaŭ horadabudaŭničych prajektaŭ.
— Nazirajučy tendencyi apošnich dvuch hadoŭ, liču, nam treba zadumacca ab źmienie mahčymych formaŭ i mietadałohii praviadzieńnia hramadskich abmierkavańniaŭ. Napeŭna, treba pahladzieć dośvied našych susiedziaŭ, u tym liku Maskvy, Piciera, Ukrainy, Polščy, paraŭnać, jakim čynam tam adbyvajecca ŭzajemadziejańnie haradskich žycharoŭ z uładami, — pryvodzić jaho punkt hledžańnia ahienctva «Minsk-Naviny».
Kłasičnaja forma, jak u nas, kali raspracoŭvajecca detalovy płan, potym idzie prezientacyja, čaściej za ŭsio vyklikaje niehatyŭnyja emocyi ŭ haradžan i pakazvaje adsutnaść dyjałohu z žycharami. Mianie zacikaviŭ dośvied Maskvy, ich palityka «Aktyŭny hramadzianin», kali aktyŭna vykarystoŭvajucca internet-apytańni, internet-hałasavańni, u hetym bolš pazityvu i dobraha ŭzajemadziejańnia pamiž uładaj i hramadstvam.
Na dumku Łučynoviča, vyśviatlać pazicyju i mierkavańni ludziej ab naśpiełych źmienach na toj ci inšaj terytoryi možna z dapamohaj internetu i inšych sučasnych srodkaŭ kamunikacyi.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»1
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary