Mastackamu kiraŭniku «Hohal-centra» Kiryłu Siarebranikavu pradjaŭlenyja abvinavačvańni ŭ machlarstvie na sumu 68 miljonaŭ rasijskich rubloŭ (kala 1,1 młn dalaraŭ), viny jon nie pryznaŭ. Mieru strymańnia Siarebranikavu Basmanny sud abiare ŭ sieradu, nastupnuju noč jon praviadzie ŭ SIZA «Matroskaja cišynia». U sacsietkach płanujuć pravieści la suda akcyju ŭ padtrymku Siarebranikava.
«Mastackamu kiraŭniku maskoŭskaha teatra «Hohal-centr» Kiryłu Siarebranikavu pradjaŭlena abvinavačańnie ŭ […] machlarstvie ŭ asabliva bujnym pamiery […] U chodzie dopytu ŭ jakaści abvinavačanaha svaju vinu jon nie pryznaŭ», — zajaviła aficyjny pradstaŭnik Śledčaha kamiteta Śviatłana Piatrenka ahienctvu ria.ru.
Paśla dopytu ŭ Śledčym kamitecie Siarebranikava pavieźli ŭ Śledčy izalatar №1, viadomy jak «Matroskaja cišynia», paviedamiŭ Interfaksu jahony advakat Dźmitryj Charytonaŭ.
Miera strymańnia režysioru budzie pryznačanaja ŭ sieradu, pasiadžeńnie pačniecca apoŭdni. Advakaty imavierna buduć chadajničać pra chatni aryšt.
«Pakolki Siarebranikaŭ padazrajecca ŭ arhanizacyi machlarstva, jamu moža być abranaja miera strymańnia, źviazanaja z pazbaŭleńniem voli», — paviedamiŭ raniej u aŭtorak Interfaks sa spasyłkaj na krynicu, znajomuju sa spravaj.
Jak paviedamiŭ rasijskaj słužbie Bi-bi-si akcior «Hohal-centra» Mikita Kukuškin, u teatry praciahvajucca repietycyi, a supracoŭniki płanujuć pryniać udzieł u akcyi ŭ padtrymku Siarebranikava, jakaja projdzie la Basmannaha suda ŭ sieradu.
«Ja miarkuju, tam rašały vyrašajuć», — adkazaŭ Kukuškin na pytańnie Ruskaj słužby Bi-bi-si, čamu Siarebranikava zatrymali niahledziačy na padtrymku upłyvovych artystaŭ i listy prezidentu.
Siabry režysiora, u ich liku žurnalisty i akciory, u sacsietkach zaklikajuć usich, chto moža, pryniać udzieł u akcyi la Basmannaha suda.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY13
Kamientary