Zaviaršajucca raboty nad stvareńniem rejestra złačyncaŭ, jakija ŭčynili złačynstvy na seksualnaj hlebie ŭ Polščy. Dadzieny rejestr pavinien dapamahčy abaranić dziaciej ad piedafiłaŭ. U ciapierašni čas źbirajucca danyja ludziej, jakich uklučać u bazu. Pra heta piša Radyjo Polšča sa spasyłkaj na vydańnie Gazeta Polska Codziennie.
Pra stvareńnie rejestra, jaki ŭtrymlivaje infarmacyju pra piedafiłaŭ, z fotazdymkami, imionami i miescami znachodžańnia, vydańniu paviedamili ŭ Ministerstvie justycyi.
Viasnoj minułaha hoda byŭ pryniaty zakon ab supraćdziejańni złačynnaści na seksualnaj hlebie. Deputaty amal adnahałosna prahałasavali «za» hety dakumient. «Heta dazvoliła stvaryć rejestr złačyncaŭ, jakija ŭčynili seksualnyja złačynstvy, heta značyć ludziej z adchileńniami. Jaho hałoŭnaja zadača — zaścierahčy dziaciej ad vyradžencaŭ», — piša hazieta.
U hety rejestr buduć traplać tyja, chto byŭ asudžany za seksualnaje złačynstva, i prysud ustupiŭ u siłu.
«Rejestr budzie składacca z dvuch častak. U adkrytaj budzie znachodzicca infarmacyja ab miascovaści, u jakoj pražyvaje vyčvareniec. Da druhoj častki, z padrabiaznymi danymi, dostup budzie abmiežavany. Jaho atrymajuć tolki supracoŭniki viedamstvaŭ, jakija adkazvajuć za biaśpieku, a taksama čynoŭniki», — adznačaje vydańnie.
Pavodle danych haziety, rejestr płanujuć zapuścić 1 kastryčnika 2017 hoda.
Kamientary