Alaksandr Łukašenka niezadavoleny jakaściu pracy srodkaŭ masavaj infarmacyi i ličyć nieabchodnym uzmacnić infarmacyjnuju pracu pa šerahu kirunkaŭ. Pra heta jon zajaviŭ siońnia na pašyranym pasiadžeńni Vykankama NAK Biełarusi pa pytańni praviadzieńnia II Jeŭrapiejskich hulniaŭ u 2019 hodzie, piša BiełTA.
«Ja ŭžo kazaŭ pra toje, što ŚMI pracujuć žachliva kiepska. A pracavać umiejuć. Vaźmicie za ŭzor, jak vy pracavali na ŭborcy ŭ hetym hodzie.
Vy zrabili tak, što ŭvieś narod žyŭ i pieražyvaŭ, budziem my z chlebam ci nie», — skazaŭ kiraŭnik dziaržavy.
«Tamu dakładna tak [treba aśviatlać] vučeńni «Zachad-2017». Potym padrychtoŭka [Jeŭrapiejskija hulni] u spakojnym režymie. Ale ludziej treba da hetaha padvodzić», — adznačyŭ biełaruski kiraŭnik.
Jon taksama daručyŭ pracavać z takimi bujnymi mižnarodnymi kanałami, jak «Jeŭrasport» i «Jeŭrańjus», kab i tam była infarmacyja ab Jeŭrapiejskich hulniach u Biełarusi.
Alaksandr Łukašenka adznačyŭ, što kali zamiežnyja śpiecyjalisty z najlepšych kampanij śvietu pryciahvajucca dla arhanizacyi tranślacyj, to pobač pavinny być «troje-čaćviora z BT, ANT, STV». «Jany pavinny vučycca, a dzie-nidzie i sami zarablać hrošy na hetym. Heta taksama majcie na ŭvazie», — papiaredziŭ kiraŭnik dziaržavy.
Ciapier čytajuć
Kiraŭnika śledčaj hrupy pa spravie Tut.by pasadzili na 14 hadoŭ6
Kamientary