Pra heta zajaviŭ ministr abarony Biełarusi Andrej Raŭkoŭ, kamientujučy ažyjataž vakoł vučeńniaŭ «Zachad-2017» u intervju prahramie «Hałoŭny efir» na kanale «Biełaruś 1».
Jon zaŭvažyŭ, što na vučeńni «Zachad-2017» zaprošana «nieabchodnaja kolkaść naziralnikaŭ, ŚMI, pradstaŭnikoŭ mižnarodnych arhanizacyj - usich, navat tych, kaho, moža być, nie treba było zaprašać».
- Poŭnaja adkrytaść, i nie ŭ jakaści taho, što my chočam pierad kimści apraŭdacca. Nie, kali łaska, hladzicie, my adkrytyja dla ŭsich. Ale, naturalna, treba i našym susiedziam być bolš adkrytymi, - skazaŭ Raŭkoŭ.
Na pytańnie karespandenta «Hałoŭnaha efiru» pra «niezdarovy ažyjataž», jaki razhareŭsia ŭ zachodnich ŚMI z nahody vučeńniaŭ «Zachad-2017», Raŭkoŭ zaŭvažyŭ:
- U nas u apošni čas, u tym liku ź Biełarusi, źjaviłasia šmat analitykaŭ u vajennaj śfiery, jakija, kali tak razabracca (nie ŭsie kaniešnie, ale bolšaść ź ich) navat u vojsku nie słužyli. <…> Ja chaču skazać adno: padrychtoŭka rehijanalnaj hrupoŭki vojskaŭ idzie, usie zadačy, jakija my płanavali, my vykonvajem u płanavym paradku, kali kamuści heta nie padabajecca - kali łaska. A my pavinny ŭmacavać abaranazdolnaść i Respubliki Biełaruś, i Sajuznaj dziaržavy.
Kamientary