Пра гэта заявіў міністр абароны Беларусі Андрэй Раўкоў, каментуючы ажыятаж вакол вучэнняў «Захад-2017» у інтэрв'ю праграме «Галоўны эфір» на канале «Беларусь 1».
Ён заўважыў, што на вучэнні «Захад-2017» запрошана «неабходная колькасць назіральнікаў, СМІ, прадстаўнікоў міжнародных арганізацый - усіх, нават тых, каго, можа быць, не трэба было запрашаць».
- Поўная адкрытасць, і не ў якасці таго, што мы хочам перад кімсьці апраўдацца. Не, калі ласка, глядзіце, мы адкрытыя для ўсіх. Але, натуральна, трэба і нашым суседзям быць больш адкрытымі, - сказаў Раўкоў.
На пытанне карэспандэнта «Галоўнага эфіру» пра «нездаровы ажыятаж», які разгарэўся ў заходніх СМІ з нагоды вучэнняў «Захад-2017», Раўкоў заўважыў:
- У нас у апошні час, у тым ліку з Беларусі, з'явілася шмат аналітыкаў у ваеннай сферы, якія, калі так разабрацца (не ўсе канешне, але большасць з іх) нават у войску не служылі. <…> Я хачу сказаць адно: падрыхтоўка рэгіянальнай групоўкі войскаў ідзе, усе задачы, якія мы планавалі, мы выконваем у планавым парадку, калі камусьці гэта не падабаецца - калі ласка. А мы павінны ўмацаваць абараназдольнасць і Рэспублікі Беларусь, і Саюзнай дзяржавы.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары