UEFA nazvaŭ stadyjony, na jakich projduć finały Lihi čempijonaŭ i Lihi Jeŭropy ŭ 2019 hodzie, paviedamlaje Tut.by.
Nasupierak apublikavanaj napiaredadni infarmacyi ispanskaha vydańnia As, finał Lihi čempijonaŭ-2018/19 prymie nie stalica Azierbajdžana, a madrydski stadyjon «Mietrapalitana», jaki źjaŭlajecca novaj chatniaj arenaj «Atletyka», adznačaje aficyjny sajt UEFA.
Hałoŭny trafiej nastupnaha rozyhryšu Lihi čempijonaŭ budzie razyhrany 1 červienia 2019 hoda. Stadyjon «Mietrapalitana», dzie adbudziecca vyrašalny pajadynak, byŭ adkryty ŭ vieraśni 2017 hoda. Novaja arena pabudavanaja na miescy staroha stadyjona «Atletyka» — «Alimpika». U dzień aficyjnaha adkryćcia «Mietrapalitana» madrydcy ź minimalnym likam adoleli «Małahu».
Madryd stanie druhim horadam paśla Łondana, dzie prajšło piać ci bolš finałaŭ, i čaćviortym paśla Amsterdama, Paryža i Miunchiena, dzie pravodzilisia finały na roznych stadyjonach. Raniej madrydski stadyjon «Santjaha Biernabieu» pryniaŭ čatyry finały Kubka čempijonaŭ / Lihi čempijonaŭ — u 1957, 1969, 1980 i 2010 hadach.
Finał ža Lihi čempijonaŭ 2018 hoda adbudziecca 26 maja na kijeŭskim stadyjonie «Alimpijski».
Što tyčycca stalicy Azierbajdžana Baku, to prymie finał Lihi Jeŭropy 2019 hoda. Pajadynak adbudziecca 29 maja na Alimpijskim stadyjonie. Raniej stalica Azierbajdžana nie pravodziła matčaŭ takoha kalibru. Arena była pabudavanaja da Jeŭrapiejskich hulniaŭ 2015 hoda. Padčas JEŬRA-2020 stadyjon u Baku prymie try matčy hrupavoha etapu i čverćfinał.
Raniej Alimpijski stadyjon u Baku prymaŭ pajadynki finalnaj stadyi ČIE-2016 siarod junakoŭ da 17 hadoŭ. Na matč adkryćcia Azierbajdžan — Polšča tut sabralisia rekordnyja dla turniru 33 tysiačy zaŭziataraŭ. Baku taksama prymaŭ ČS-2012 siarod dziaŭčat da 17 hadoŭ i finalny turnir Kubka UEFA-2014 pa futzale.
U 2018 hodzie finał Lihi Jeŭropy UEFA projdzie 16 maja na «Stad-de-Lijon».
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary