Nadzvyčajnaje zdareńnie adbyłasia 20 vieraśnia ŭ adnym sa šmatkvaternych damoŭ u Pružanach, paviedamlajuć «Rajonnyja Budni».
U čatyry hadziny nočy dyśpietčar centra apieratyŭnaha kiravańnia rajadździeła pa nadzvyčajnych situacyj atrymaŭ tryvožny vyklik: hareŭ žyły čatyrochkvaterny dom pa vulicy Svabody. Kali pažarnyja pryjechali na miesca zdareńnia, to ŭbačyli, što ahoń poŭnaściu achapiŭ vierandu pieršaj kvatery, pierakinuŭsia na takuju ž draŭlanuju prybudovu druhoj kvatery i na ahulny dach budynka. Z ahniu vyratavalniki vynieśli traich žylcoŭ — dvuch sastarełych baćkoŭ, adnamu ź jakich było ciažka ruchacca biez dadatkovaj dapamohi, i ich niećviarozaha syna 1969 h.n. Vyjście było zabłakavanaje ahniom, i paciarpiełych vyciahvali z akna. Taksama pažarnyja dapamahli pakinuć pamiaškańnie žylcam z druhoj kvatery — maci ź piacihadovym synam i hadavałaj dačkoj.
Jak raskazvaje haspadynia kvatery, adkul pajšoŭ ahoń, a potym pryznaŭsia sam jaje syn, u jakoha potym u kryvi było vyjaŭlena 1,8 pramile ałkaholu, chutčej za ŭsio, pieršaj zaharełasia kanapa, što stajała na ich vierandzie. Žančyna pierad snom vychodziła na vulicu i zaŭvažyła, što ź jaje idzie dym. Dahetul tam kuryŭ syn, i niepatušany akurak zapaliŭ meblu. Haspadynia paliła kanapu vadoj i vyrašyła, što spraviłasia z uzharańniem.
Kala čatyroch hadzin nočy ŭ susiedziaŭ uźniaŭsia kot, pačaŭ hałasić i pabudziŭ haspadaroŭ. Chutka było vyjaŭlena, što tak jon zreahavaŭ na dym, jaki pranik u susiedniuju kvateru. Jak śćviardžajuć sami pažarnyja, «podźvih» žyvioły dapamoh vyratavać žyćci šaści čałaviek.
U vyniku pažaru ahniom paškodžanyja abiedźvie vierandy i ahulny dach budynka.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary