Biełaruski futbalist Alaksandr Hleb sfatahrafavaŭsia ŭ Minsku z hałoŭnym trenieram łondanskaha «Arsienała» Arsienam Vienhieram. Fota jon vykłaŭ na staroncy ŭ instahramie, dadaŭšy podpis: «Było vydatna znoŭ sustrecca ź vialikim trenieram!!! Jak byccam i nie sychodziŭ z «Arsienała».
Hleb vystupaŭ za «Arsienał» z 2005 pa 2008 hod. Heta byŭ pik karjery. Zatym biełarus pierajšoŭ u «Barsiełonu», ale tam nie załadziłasia, i Alaksandr źmianiŭ niekalki kłubaŭ, pryčym trojčy viartaŭsia ŭ BATE, pahulaŭ u Turcyi i Rasii.
BATE siońnia hulaje z «Arsienałam» u ramkach hrupavoha raŭndu Lihi Jeŭropy. Matč projdzie na «Barysaŭ-Arenie» i pačniecca ŭ 20:00. Usie kvitki pradadzienyja.
Raniej Alaksandr Hleb kazaŭ, što prasiŭsia nazad u BATE paśla losavańnia turniru, kab vyjści na pole suprać łondancaŭ, ale kiraŭnictva barysaŭskaha kłuba admoviła.
Kamientary