Dziaržaŭnyja ściahi na ŭsich dziaržaŭnych budynkach i ŭstanovach u krainie i za miažoj, u tym liku Bieły dom, a taksama na ŭsich karablach VMF ZŠA buduć pryspuščanyja na piać dzion — da zachodu 6 kastryčnika — u znak žałoby pa zahinułych pry stralaninie ŭ Łas-Viehasie 1 kastryčnika.
Pra heta havorycca ŭ aficyjnaj dekłaracyi prezidenta ZŠA Donalda Trampa, pieradajuć infarmahienctvy.
«Serca nacyi raźbitaje. My smutkujem razam z tymi, čyje rodnyja i blizkija byli zabityja i paranienyja padčas žudasnaj trahiedyi minułaj nočču ŭ Łas-Viehasie, Nievada», — havorycca ŭ dakumiencie.
Pierad hetym Tramp nazvaŭ toje, što adbyłosia, «aktam čystaha zła» i paabiacaŭ u sieradu pabyvać u Łas-Viehasie i naviedać siemji achviar trahiedyi. «Naša adzinstva nie moža być razburanaje złom. Našy poviazi nie mohuć być raźjadnanyja hvałtam», — skazaŭ prezident ZŠA.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary