Upraŭleńnie pa darohach i transparcie (RTA) Dubaja praviało čarhovy aŭkcyjon śpiecyjalnych aŭtamabilnych numaroŭ, pradaŭšy 80 łotaŭ na ahulnuju sumu kala $6,8 młn, paviedamlajekhaleejtimes.com.
Samy darahi numar R-111 byŭ pradadzieny za $721 tys., F-999 dastaŭsia ŭładalniku za $288,6 tys., a N-1000 — za $217,8 tys.
Achmied Bachrazian, hienieralny dyrektar ahienctva licenzavańnia RTA, skazaŭ: «Vyručka ŭ $6,8 młn, atrymanaja z 96-ha adkrytaha aŭkcyjonu, adlustroŭvaje prykmietnuju papularnaść hetaha kamiercyjnaha kirunku, arhanizavanaha RTA».
Zrešty, suma, vypłačanaja za samy darahi numarny znak sioleta, značna nižejšaja za tuju, jakuju adzin z dubajskich biznesmienaŭ zapłaciŭ na letašnim aŭkcyjonie. Tady za numar «1» dla aŭtamabila jamu pryjšłosia vykłaści $5 młn. Jaho startavaja cana była ŭ 20 razoŭ nižejšaja za finalnuju. Biznesmien rastłumačyŭ imknieńnie vałodać takim numaram žadańniem zaŭsiody być pieršym.
RTA rehularna pravodzić aŭkcyjony, na jakich pradaje niezvyčajnyja darožnyja numary (jak praviła, jakija adroźnivajucca prostym naboram ličbaŭ). Atrymanyja srodki nakiroŭvajucca na dabračynnyja mety.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy62
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary