Biełaruskaja čyhunka pačała doślednuju ekspłuatacyju prahramnaha zabieśpiačeńnia, jakoje dazvalaje adnaŭlać pajezdku ŭ vypadku spaźnieńnia na ciahnik, zrabić prypynak u šlachu śledavańnia, a taksama pierapynić pajezdku pa elektronnych prajaznych dakumientach, aformlenych z elektronnaj rehistracyjaj na ciahniki ŭnutrydziaržaŭnaha i mižnarodnaha ruchu, paviedamili ŭ pres-centry BČ.
Raniej dadzienyja apieracyi pry kupli elektronnaha kvitka z elektronnaj rehistracyjaj byli niedastupnyja.
U ciapierašni čas u pasažyra źjaviłasia mahčymaść na stancyi pasadki zrabić adnaŭleńnie pajezdki ŭ vypadku spaźnieńnia na ciahnik. Dla hetaha jamu nieabchodna na padstavie błanka viartańnia raniej aformlenych miescaŭ nabyć u biletnaj kasie «płackartu» na nastupny ciahnik u hetym kirunku.
Taksama ŭ šlachu ruchu pasažyr adzin raz moža zrabić prypynak nie bolš čym na 10 dzion, pradjaviŭšy bilet dla adznaki ŭ biletnuju kasu.
Akramia taho, pasažyr moža pierapynić pajezdku i atrymać hrošy za nieprajechanuju adlehłaść ŭ pretenzijnym paradku.
Dla taho kab zrabić prypynak abo pierapynić pajezdku ŭ šlachu ruchu, pasažyru nieabchodna paviedamić ab svaich namierach pravadniku vahona, jaki ŭ dadzienym vypadku robić adznaku na błanku elektronnaha prajaznoha dakumienta z elektronnaj rehistracyjaj, razdrukavanym na arkušy papiery farmatu A4. Pry adsutnaści razdrukoŭki pravadnik składaje akt ahulnaj formy pa fakcie pierapynieńnia pajezdki.
Nazvanyja dakumienty nieabchodna pradjavić na praciahu 3 hadzin z momantu prybyćcia ciahnika na stancyju, na jakim jechaŭ pasažyr, u kasu dla ažyćciaŭleńnia viartańnia miescaŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»8
Kamientary