Upraŭleńniem Śledčaha kamiteta pa Minskaj vobłaści raspačata kryminalnaja sprava pa fakcie hibieli vajskoŭca pad Barysavam. Sprava raspačata z metaj praviadzieńnia ŭsiaho śpiektru śledčych dziejańniaŭ i nieabchodnaściu maksimalna dakładna ŭznavić usie akaličnaści, jakija spadarožničali zdareńniu, adznačajecca ŭ paviedamleńni SK.
Cieła vajskoŭca, jaki prachodziŭ z maja terminovuju słužbu, było vyjaŭlena 3 kastryčnika ŭ padvale adnaho z budynkaŭ na terytoryi vajskovaj častki ŭ Barysaŭskim rajonie.
Pavodle papiarednich dadzienych pryčynaj śmierci była miechaničnaja aśfiksija ad ściskańnia orhanaŭ šyi piatloj ad ramiania pry paviešańni.
Pravodziacca histałahičnyja, sudova-chimičnyja i inšyja daśledavańni.
Śledstvam pryniata rašeńnie ab zaviadzieńni kryminalnaj spravy pa prykmietach składu złačynstva, praduhledžanaha č.3 art.443 (parušeńnie statutnych praviłaŭ uzajemaadnosin pamiž asobami, na jakich raspaŭsiudžvajecca status vajennasłužačaha, pry adsutnaści adnosin padparadkavanaści, jakoje paciahnuła ciažkija nastupstvy).
U ramkach rasśledavańnia praviarajucca ŭsie mahčymyja viersii, u tym liku ab ździajśnieńni ŭ dačynieńni da pamierłaha supraćpraŭnych dziejańniaŭ, niestatutnych uzajemaadnosin.
Śledstvam prymajucca ŭsie miery da ŭstanaŭleńnia realnaha stanovišča spraŭ z vajskovaj dyscyplinaj na terytoryi vajskovaj častki.
Kamientary