Ułada2727

Što viadoma pra adstaŭlenaha Siarhieja Špiehuna — samaha sakretnaha śpiecsłužbista Biełarusi

Adchileny ad pasady kiraŭnik Apieratyŭna-analityčnaha centra pry Administracyi prezidenta Siarhiej Špiahun — badaj samy zasakrečany śpiecsłužbist krainy.

Mała chto z karystalnikaŭ internetu viedaje jaho asobu. Zatoje Siarhiej Špiahun pry žadańni moža daviedacca ŭsio pra naviednikaŭ sajtaŭ. Apieratyŭna-analityčny centr — śpiecsłužba, jakaja kantraluje biełaruski internet. A kali zachoča, naciskaje na rubilnik.

«Naša Niva» skiroŭvała infarmacyjny zapyt z prośbaj patłumačyć funkcyi AAC i pradastavić bijahrafii kiraŭnictva. Adnak u hetym było admoŭlena.

Što viadoma pra Siarhieja Špiehuna i jahonuju karjeru? Čutki źviazvajuć jaho z asobaj Viktara Łukašenki, maŭlaŭ, niedzie pierasiakalisia pa słužbie, voś toj i paraiŭ Špiehuna na vysokuju pasadu. I bolš ničoha. Ni ŭzrost, ni miesca naradžeńnia.

Špiahun źleva ad Viktara Łukašenki.

Moža, čynoŭnik trymaje akaŭnty ŭ sacyjalnych sietkach? U ruskamoŭnym «Ukantakcie» zhadvajecca tolki adzin «špJehun» ź Biełarusi, u «Adnakłaśnikach» — nivodnaha. Tolki sucelnyja «špIhuny» ŭ prylehłych da Ukrainy rehijonach.

Ale ŭ redkim proźviščy jość i svaje pieravahi. Staryja telefonnyja daviedniki ŭtrymlivajuć źviestki pra «S. V. Špiehuna», jaki žyŭ u centry Bresta. Niaŭžo toj samy?

U byłoj kvatery Špiehuna ciapier žyvie maładaja siamja — dvuchpakajoŭku jany zdymajuć jak arendnaje žyllo. Z dapamohaj susiedziaŭ pačynajem adnaŭlać łancužok ułaśnikaŭ. Niekalki hadoŭ tamu tut žyła adzinokaja piensijanierka, jakaja padaryła kvateru dziaržavie i źjechała ŭ dom sastarełych.

Špiahun (sprava) na vystavie TIBO.

U internecie zhadvajecca Taćciana Špiahun. U pačatku 2010-ch jana pracavała nataryusam u Bresckaj haradskoj dziaržaŭnaj nataryjalnaj kantory, a paśla pierabrałasia ŭ stalicu. Ciapier jana zhadvajecca jak rabotnik Nataryjalnaj kantory №2 Centralnaha rajona Minska. Krynicy «Našaj Nivy» patłumačyli, što heta žonka čynoŭnika.

A ŭ adnoj z himnazij Minska Nastaśsia Špiahun. Pierad pastupleńniem u 5 kłas, kali dzieci zdajuć ispyty, dziaŭčynka prademanstravała vydatny ŭzrovień viedaŭ. Nastaśsia atrymała «dziasiatki» i pa biełaruskaj movie, i pa matematycy.

Žyvie siamja kiraŭnika śpiecsłužby ŭ zvyčajnaj kvatery ŭ Kamiennaj Horcy — nijakich tabie charomaŭ i pałacaŭ.

Kamientary27

Ciapier čytajuć

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Usie naviny →
Usie naviny

Mužčyna raźbiŭ videakamieru ŭ padjeździe, nadzieŭšy dla maskiroŭki trusy na hałavu8

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ2

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

bolš čytanych navin
bolš łajkanych navin

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić