Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U sacyjalnych sietkach šyroka razyšłasia historyja pra italjanca pa imieni Roka, jaki jechaŭ va Ukrainu i padčas pajezdki zajaviŭ, što pavažaje Uładzimira Pucina, i niehatyŭna vykazvaŭsia pra ŭkrainskuju ŭładu. Jaho słovy vyklikali abureńnie ŭ inšych pasažyraŭ aŭtobusa. Na situacyju musiła adreahavać Dziaržaŭnaja pamiežnaja słužba Ukrainy, piša «Ukrainskaja praŭda».
Pra hety vypadak u sacsietkach raskazała pasažyrka aŭtobusa Darja Mielničenka. Pa jaje słovach, padčas prypynku, kali jana razmaŭlała pa telefonie pa-italjansku, da jaje padyšoŭ italjaniec, apranuty ŭ vyšyvanku, i zavioŭ razmovu.
Mužčyna paviedamiŭ, što adzieńnie jamu padaryła žonka-ŭkrainka, ź jakoj jon ciapier jakraz i jedzie na jaje radzimu. Pry hetym u razmovie mužčyna pačaŭ krytykavać Ukrainu i jaje prezidenta, a taksama adkryta vykazaŭ pavahu da rasijskaha lidara Uładzimira Pucina.
Darja paraiła jamu nie jechać va Ukrainu z takimi pohladami, adnak italjaniec adkazaŭ, što jahonaja žonka dumaje hetak ža sama. Dziaŭčyna tady vyrašyła paviedamić pra razmovu pamiežnikam, a jašče adna pasažyrka paćvierdziła hatoŭnaść padtrymać jaje słovy.
Paśla prybyćcia na miažu Darja źviarnułasia da staršaha źmieny. Paśla Roka i jahonuju žonku adviali na dadatkovuju pravierku, a joj skazali, što mužčynu, chutčej za ŭsio, nie dazvolać ujezd va Ukrainu.
Tak urešcie i stałasia. Italjanca paśla apytańnia na miažy nie tolki nie puścili na terytoryju Ukrainy, ale i zabaranili ŭjezd u jaje na nastupnyja try hady, paviedamiŭ pres-sakratar Dziaržaŭnaj pamiežnaj słužby Ukrainy Andrej Dziemčanka.
«Pytańnie nie ŭ prarasijskaści, a ŭ adekvatnaści». Kraŭcoŭ prakamientavaŭ pres-kanfierencyju Babaryki
«Rasija padobnaja da vady». Jak rasijskaja prapahanda nieprykmietna zavajoŭvaje aŭdytoryju ŭ Afrycy i Łacinskaj Amierycy
Ci achviaravać svaimi kroŭnymi dla prajekta kulturnaha adpačynku pa-salechardsku? Pra turkompleks u Kraskach
Kamientary